Muhsin Nizomiddinov: "Har qanday sirni oshkor qilib bo'lmaydi"

- O'yin haqida...

- Avvalambor Qo'qondan kelib, bizni qo'llab-quvvatlagan muxlislarga minnatdorchilik bildiraman. "SHo'rtan"ga qarshi o'yindan keyin bir hafta vaqtimiz bor edi. SHu davrda raqibni o'rgandik. Xudoga shukr, o'ylagan maqsadimizga etdik. 

- Jamoa o'yini bir maromda o'tmayapti. Keyingi o'yinlarda Turdialiev, Mahmudjonov kabi futbolchilarni sinab ko'rsa bo'lmaydimi?

- Futbolda har narsa bo'lishi mumkin. O'yinchida bosim yuzaga kelish holati mavjud. Bosim ostida to'p tepish oson emas. Yoshlarga kelsak, ularga ham imkoniyat beramiz. Maqsadimiz ham shundan iborat. Sezgan bo'lsangiz, o'tgan yilga qaraganda ancha yoshardik. Albatta, yoshlarning ham sifatlisi bilan ishlash kerak. Siz aytgan yigitlarni ham kuzatib boryapman, ularga ham imkon beramiz. 

- Jamoa futbolchilarida gol urgach, susayish holati yuzaga kelmoqda, bunga sabab nima?

- Har qanday sirni oshkor qilib bo'lmaydi. O'tgan o'yindan keyin ham "Sizda bosim yo'qmi?" deb savol berishgandim. Bosim yo'q. Biz tanlagan taktikada raqibga bo'sh zona qoldirmasligimiz lozim edi. Raqibga to'p nazorati uchun imkon berdik. Asosiy maqsadimiz standart edi, bundan unumli foydalandik.