Muhammad Nazem: "CHempion bo'lmoqchimiz, shu bois istalgan jamoaga qarshi o'ynashga tayyormiz"

“Bugun ajoyib o'yin o'tkazdik. Iroq terma jamoasini hurmat qilamiz. Raqibning ham murabbiyi, ham jamoasi juda kuchli. Ularning tarkibida 2 nafar jarohat olgan futbolchi bor edi. Bu o'yinga tasir qildi. Bundan tashqari Iroq darvozaboni jarohat olgani ham tasir ko'rsatdi. Biz o'yindan o'yinga kuchayib boraveramiz. Jahon chempionatiga chiqishni istaymiz. Bugungi muhit menga yoqdi, muxlislar tashrifi ham yoqimli. Ajoyib chempionat bilan O'zbekistonni tabriklayman”, - deydi Eron ustozi.  

- Jamoaingiz necha foiz kuchini ko'rsatdi deb o'ylaysiz?
-To'g'risi necha foizga o'ynaganimizni bilmayman. 50 yoki 70 foizga deyishim mumkin, lekin bazi jihatlarda bundan yaxshiroq, bazida yomonroq o'ynadik. Maqsadimiz mundialaga chiqish, qancha foizga o'ynashning farqi yo'q.

- Kecha Yaponiya 11ta gol urgandi, bugun Eron 13ta gol urdi. Bu degani Eron chempionlik uchun Yaponiyadan ham favoritroqmi?
- Yo'q. Bu gapga qo'shilmayman. Sababi raqiblar boshqa boshqa edi. Birinchi turda Yaponiya bitta gol urgandi. SHu bois kim nechta gol urishining farqi yo'q.

- CHorak finalda 3ta jamoadan biriga o'ynaysizlar. Qirg'iziston, Saudiya Arabistoni yoki Livan. Qaysi biri kuchsizroq?
- Bu musobaqada barcha jamoalar kuchli va professional jamoalar. Lekin biz chempion bo'lmoqchimiz shu bois raqib tanlamaymiz.