Muhammad Habibullaev: "To'xtab qolish yo'q"

"Jahon chempionati kutganimizdek, yaxshi o'tdi. Ozgina omad etishmadi. Xudo xohlasa, keyingi chempionatlarda ijobiy natija bo'ladi", – dedi Habibullaev.

- Kelajakdagi rejalar qanaqa?

- To'xtab qolish yo'q. Xudo xohlasa, keyingi musobaqalarda yo'l qo'ygan xatolarimizni takrorlamaslikka harakat qilamiz.

- Eng qiyin uchrashuv qaysi bo'ldi? 

- Menimcha, oxirgi uchrashuv — Italiya bilan bahs. Ular to'p nazoratini qo'lga olgan holda o'ynadi. 

- Zaif tomonlarimiz nimada edi? 

- 1:1 qilganimizdan keyin gol o'tkazib yubordik. Bu goldan so'ng uyg'onishimiz qiyin bo'ldi va navbatdagi golni ham darvozamizdan olib chiqdik. Ushbu mundial biz uchun juda katta tajriba bo'ldi deya olaman.