Mudrik "Manchester Yunayted"ga o'tishi mumkin

Hujumkor yarim himoyachini "Manchester Yunayted" o'z safiga qo'shib olmoqchi. "Qizil iblislar" yozgi transferlar davrida buni qilishga urinib ko'radi.

Ehtimoliy bitim qiymati 40-50 million evroga baholanmoqda. Transfer bo'yicha yakuniy qarorni mankunianliklar ustozi Ruben Amorim qabul qiladi.

Mixaylo 2023 yilning qishida "aristokratlar" safiga qo'shildi. Tomonlar o'rtasidagi amaldagi shartnoma 2031 yilning o'rtalariga qadar mo'ljallangan.