"Xorazm" darvozaboni, Nukusda gol urgan futbolchi, mavsumdagi ilk g'alabasiga erishgan murabbiy - Pro liga 3-tur laureatlari

"Championat.asia" sayti talqiniga ko'ra, 3-turning eng yaxshi darvozaboni - Mashhur Muhammadjonov ("Xorazm")

"Xorazm" bu turda safarda "Buxoro" mehmoni bo'ldi va 0:0 hisobida durang o'ynadi. Urganchliklar posboni Mashhur Muhammadjonov bir necha bor o'z jamoasini gollardan qutqarib qoldi. SHu bois Muhammadjonov turning eng yaxshi darvozaboni sifatida tan olindi.

"Championat.asia" sayti talqiniga ko'ra, 3-turning eng yaxshi futbolchisi - Bahrom Abdurahimov ("Qo'qon-1912")

Qo'qonliklar Pro liganing 3-turida dastlabki g'alabasini tantana qildi. Nukusda "Aral"ga qarshi o'yinda g'alaba qozonish hammaga ham nasib qilavermaydi. SHu kuni qo'qonliklar tarkibida tajribali Bahrom Abdurahimov juda faol bo'ldi va jamoasining muhim gollaridan birini urishga erishdi. Aynan shu bois Abdurahimov turning eng yaxshi futbolchisi deb topildi.

"Championat.asia" sayti talqiniga ko'ra, 3-turning eng yaxshi murabbiyi - Muhsin Nizomiddinov ("Qo'qon-1912")

"Qo'qon-1912" joriy mavsumdagi ilk g'alabasini qo'lga kiritgani haqida yuqorida yozdik. Nukusdagi muhim g'alaba qo'lga kiritilishida murabbiy Muhsin Nizomiddinovning xizmati katta. Saytimiz talqiniga ko'ra, aynan Nizomiddinov turning eng yaxshi murabbiyi sifatida tan olindi.