Mo'ydin Mamazulumov: "Yoshlarga o'rnak bo'lishga harakat qilyapmiz"

Turnir yakunida saytimiz muxbiri "Musobaqaning eng yaxshi to'purari" nominaciyasi g'olibligini qo'lga kiritgan tajribali hujumchi Mo'ydin Mamazulumovning fikrlari bilan qiziqdi.

 - Biz "Hokim kubogi" musobaqasida muntazam qatnashib kelmoqdamiz" - deydi tajribali hujumchi. "To'purar bo'lish – bu biz hujumchilarning vazifasi. SHu sababdan har doim ko'proq gollar urib jamoamizga g'alaba keltirishga harakat qilamiz.

Jamoaviy o'yin yaxshi yo'lga qo'yilsa, astoydil mehnat qilinsa, natijaga erishiladi. Qaysidir manoda yoshlarga o'rnak bo'lishga harakat qilyapmiz. Ular bizdan nimanidir o'rganishlari kerak. Yosh hujumchi etishib chiqsa, albatta, o'rnimizni bo'shatib beramiz. Maydonga chiqsin, 10 ta gol ursin, biz bundan faqat xursand bo'lamiz" - deydi Mo'ydin Mamazulumov.

Bekzod Tolibov yozib oldi