Mo'ydin Mamazulumov: “Neftchi”da o'ynashni doim istaganman”

Ular qatorida tajribali Mo'ydin Mamazulumov ham bor. Toshkent yig'inida farg'onaliklar safiga kushilgan futbolchi jamoa bilan 1+1 ko'rinishidagi bitimga imzo chekdi. SHartnoma imzolangach futbolchi jamoadagi o'z maqsad va rejalari bilan o'rtoqlashdi.

- “Neftchi” safiga qo'shilishim juda tez sodir bo'ldi. Aslida boshqa jamoadan taklif bo'lgandi va o'sha klub yig'iniga yo'l olayotgan edim. Biroq kutilmaganda “Neftchi”dan taklif bo'ldi hamda farg'onaliklarning chorloviga rozilik bildirdim. 2003-yili “Neftchi”ning yoshlar jamoasida o'ynaganman. SHu klub orqali katta futbolga qadam qo'yganimni aytib o'tishim kerak. Jamoa bilan shartnoma imzolaganimdan xursandman. Yangi mavsumda “Neftchi” o'z oldiga qanday maqsad qo'ysa ushbu maqsad yo'lida o'z gollarim bilan yordam bermoqchiman. Andrey Fyodorov menga ishonishini aytib o'tdi. Uning ishonchini oqlashga harakat qilaman. Mashg'ulotlarda Javohir Rasulov, Abbos Maxstaliev, Umid Qodirov hamda Muzaffar Muzaffarov singari o'yinchilar bilan yaxshi chiqishyapmiz. SHerzod Hakimovni alohida etirof etaman. SHu qatori Baxtiyor Yoqubovni ham avvaldan bilaman. “Neftchi”ning qanday ashaddiy muxlislari borligini hamma yaxshi bilsa kerak. Ular bizni doim  qo'llab-quvvatlab turishsa, biz futbolchilar ular uchun o'ynaymiz, muxlislar uchun g'alaba qozonamiz, - dedi Mo'ydin Mamazulumov

"Neftchi" matbuot xizmati