Mourinyu: “Tottenhem”ga sodiqman”

“Sobiq jamoamga qarshi bahs oldidan qandaydir ehtiroslarimni jilovlay olamanmi? Ha, albatta. Balki ko'pchilik bunday qilishni eplay olmas, lekin bunga mening kuchim etadi. Men uchun bu o'yin. 

Ayni paytda men o'zimni yuz foiz “Tottenhem”ga baxsh etganman. Faoliyatimning har bir bosqichida qaysi jamoada ishlagan bo'lsam, 100 foiz o'sha klubga bor mehrimni bergaman. O'tmishdagi jamoalarimdan menga hech narsa qolmagan: ular uchun vaqtida men borimni berganman va ularning bari ayni paytda ortimda qolgan. 

SHu sabab “CHelsi”ga qarshi bahs men uchun engil kechadi. Albatta, “CHelsi” kuchli jamoa, ularga qarshi og'ir bahs bo'ladi, ammo ruhiy tomondan menga buning hech qanday og'irlik tomoni yo'q”, deya  Mourinyudan iqtibos keltirmoqda  Sky Sports.

“Tottenhem” – “CHelsi” uchrashuvi 22 dekabr kuni bo'lib o'tadi. APL 17-turidan so'ng "Tottenhem" turnir jadvalining beshinchi pog'onasini band etgan. "CHelsi" esa "shporlar"dan uch ochko ko'p jamg'arib, 4-pog'onada bormoqda.