Morataning rafiqasi ajrashish haqida: "Bu hayotimizdagi eng katta xato"

"Atletiko" va Ispaniya terma jamoasi hujumchisi Alvaro Morata rafiqasi — model va biznesvumen Aliche Kampello bilan 7 yillik turmushdan so'ng 2024 yil avgust oyida ajrashgan edi. 2025 yil yanvar oyida esa juftlik yana birga ekani malum bo'ldi.

"Bu hayotimizda yo'l qo'ygan eng katta xatomiz bo'lgan. Qanday qilib bu qarorni qabul qilganimizga hali ham tushuna olmaymiz. Ushbu tajriba ikkimizga ham juda katta dars bo'ldi, chunki bir-birimizsiz yashash qanday ekanini anglab etdik.

Depressiyaga tushib qolish yoki bazi vaqtlarda zaiflashib qolish oson. [Qizim tug'ilgandan keyinggi depressiya] meni o'zgartirib yubordi. Aslida ko'pdan beri o'zimni yomon his qilardim, buni o'zim ham tushunmasdim.

Men otam bilan juda yaqinman — u xafa bo'lgandi, chunki bir-birini shunchalik yaxshi ko'rgan ikki odam shunday go'zal oilani qanday qilib yo'q qilishlarini tushuna olmagan. Oilamdan juda minnatdorman — ular menga to'g'ri qadriyatlarni o'rgatishgan va doim rost gapirishgan", — dedi Aliche Kampello Verissimo nashriga bergan intervyusida.