Mo'min Meliev: “Mashal” karantindan keyin ham muxlislarni xursand qilish va g'alaba uchun harakat qiladi”

“Hozirgi sharoitda oilam davrasida karantin qoidalariga to'liq amal qilib o'tiribman. Murabbiylarimiz har kunlik mashg'ulotlarni yozib jo'natishmoqda. Biz futbolchilar uchun sport formamizni ushlab turishimiz muhim ahamiyat kasb etadi. Bu kunlar ham tez orada o'tib ketishiga ishonaman. Faqat, tartib qoidaga rioya qilib biroz sabr qilsak hammasi ortda qoladi. Albatta, ko'pchilik jamoamizdan bunday startni kutmagandi. Mavsumni yaxshi boshladik. 

Karantidan keyin ham har bir uchrashuvga jiddiy tayyorgarlik ko'rib muxlislarga yoqadigan o'yin ko'rsatishga va yuqor o'rinlar uchun intilishga harakat qilamiz. Menimcha, koronavirusdan keyin bari iziga tushib ketishini kutmoqdaman. Bizdan talab qilinadigan narsa maydonga chiqish va o'z ishimizni astoydil bajarish. Birinchi turda ochilish uchrashuvida o'z maydonimizda g'alabani nishonladik. Ikkinchi turda safarda “Bunyodkor”ga qarshi munosib kurasha oldik deb o'ylayman. Futbolda g'alaba va mag'lubiyat doim birga yuradi. Muxlislarimizni birdamlikka chorlab qolaman”,- dedi iqtidorli futbolchi.