MLS. Nani va Ibradan gollar shodasi yoxud 37-tur natijalari
18 sen 2019 20:42
Yangiliklar
MLS. Nani va Ibradan gollar shodasi yoxud 37-tur natijalari
Peshqadam yana g'olib
G'arb mintaqasida etakchilikni o'z qo'liga olgan "Nyu-York Siti" o'z uyida "San-Xose"ni qiyinchilik bilan mag'lubiyatga uchratdi va 1-o'rinni mustahkamladi. San-Xoseliklar bo'lsa, bir pog'onaga pastlashdi. O'yinga keladigan bo'lsak, mehmonlarning ajoyib hujumini Vondolovski gol bilan yakunladi. Biroq, nyu-yorkliklar qandaydir 3 daqiqa ichida ikkita to'p kiritishdi. Bu erda, Parks va Mitricelar o'zlarini ko'rsatishdi.
CHikagoliklardan jimjimador g'alaba
O'z nomiga yarashmaydigan o'rinlarda yurgan "SHvayni"ning jamoasi kutilmaganda "Dallas"ni yirik hisobda engdi. Si Jey Sapong "dubl"ni rasmiylashtirib qo'ydi, Frankovski va Nikolichlar esa bittadan gol urishdi. Yakuniy hisob - 4:0.
Chicago Fire FC Charles Sapong - 7', Przemyslaw Frankowski - 16', Charles Sapong - 29', Nemanja Nikolic - 39' |
Major League Soccer . 1-tur 15/09/2019, 00:55 0
:
4
Tugadi
|
FC Dallas |
Stadion: Toyota Park
Yana bir "sensaciya"
Musobaqa jadvaliga mutlaqo tasir ko'rsatmagan o'yinda kutilmagan natija qayd etildi. Kolambus "ekipajchilari" "Atlanta" maydoniga safar qilib, kumush medallarga davogarlik qilayotgan jamoani ishonchli hisobda mag'lubiyatga uchratdi. Avvaliga yana o'sha Xosef Martines gol urdi. Lekin keyinchalik, voqealar rivoji mezbonlar uchun ayanchli tus oldi. Zardes va Diaslarning kiritgan to'plari orqali "Kolambus Kryu" oldinga chiqdi. Bu etmaganidek, markaziy himoyachi Maylz Robinson avtogol muallifiga aylandi va Atlanta shahri jamoasi 2-o'ringa chiqib olish imkoniyatini chipakka chiqardi.
Etakchilar bahsida murosa
SHarq va g'arb mintaqalarida yuqori o'rinlarni egallab turgan jamoalar o'zaro to'qnash kelishdi. Uchrashuvda tomonlar durangga rozi bo'lishdi. Prjibilkoning 3-daqiqada urgan goliga mehmonlardan Karlos Vela munosib javob qaytardi. Ushbu o'yindan so'ng, ikkala jamoa ham musobaqa jadvalidagi o'rinlarini saqlab qolishdi.
Raqobatchilar bellashuvida ham sulh tuzildi
"Orlando Siti" o'z maydonida yaqin taqibchisi "Nyu-Inglend"ni mehmon qildi. Dastlab, Akindele o'z darvozasini ishg'ol qilib qo'ydi. Ko'p o'tmay, mashhur Nani hisobni tenglashtirdi. Biroq, Penilya va Boularning gollari evaziga mehmonlar yana oldinga o'tib olishdi. Ikkinchi bo'lim boshlanishi bilan Duayer farqni qisqartirdi. Birozdan so'ng, yana o'sha Nani o'z so'zini aytdi va jamoasini mag'lubiyatdan qutqarib qoldi.
Orlando City Nani - 22', Dominic Dwyer - 47', Nani - 54' |
Major League Soccer . 1-tur 15/09/2019, 04:40 3
:
3
Tugadi
|
New England Revolution Tesho Akindele - 15', Cristian Penilla - 35', Gustavo Bou - 41' |
Stadion: Exploria Stadium
Autsayderning uzoq kutilgan g'alabasi
Va nihoyat, anchadan beri so'nggi o'rinni hech kimga bermay kelayotgan "Cincinnati" naq 10 ta o'yinga cho'zilgan g'alabasiz seriyasiga nuqta qo'ydi. Hujum chizig'ida Boyan Krkichdek futbolchiga ega "Monreal" klubi go'yoki omadsizliklar girdobiga tushib qolgan. Jamoa qatorasiga uchinchi marotaba mag'lubiyat alamini totib ko'rdi.
Quyidagilar o'rtasidagi uchrashuv
SHarqiy zonada so'nggi ikki pog'onani band etib turgan "Xyuston Dinamo" va "Vankuver" jamoalari o'zaro murosasiz bahs olib borishdi. O'yindagi barcha gollar ikkinchi bo'limda urildi. Oldiniga, mezbonlarning koreyalik legioneri In-Bom Xvang yuzaga kelgan penaltini aniq amalga oshirdi. Lekin bu hali hammasi emas edi. O'yin ohirida Manotas va Monterolar bittadan to'p kiritib, jamoasiga muhim 3 ochkoni taqdim etishdi.
Runi jamoasida muvaffaqiyat
Ikkala mintaqada ham o'rtamiyonalar orasida yurgan jamoalar uchrashuvida "Di Si Yunayted"ning qo'li baland keldi. O'yinni natijasini hal qilib bergan hodisa 25-daqiqada ro'y berdi. Bu vaziyatda, "Portlend Timbers" mudofaa chizig'i vakili Tuiloma to'pni behosdan o'z jamoasi darvozasiga kiritib qo'ydi.
Portland Timbers |
Major League Soccer . 1-tur 16/09/2019, 00:40 1
:
0
Tugadi
|
DC United Bill Poni Tuiloma - 25' |
Stadion: Providence Park
Gollarga boy o'tgan o'yin
G'arbda yuqori o'rinlarga davogar klublardan biri "Toronto" o'z uyida sharqiy mintaqa quyi pog'ona vakili "Kolorado"ni qabul qilib, qiyinchilik bilan 3 ochkoni qo'lga kiritdi. Yaponiya futboli kelajagi Cubasa Endo hisobni ochuvchi golga mualliflik qildi. Keyinchalik, Posueloning penaltidan va Rozenberri tomonidan kiritilgan to'plar deyarli g'alabani naqd qildi. O'yinning ikkinchi yarmida Nikolson hamda Osariolarning gollari orqali mehmonlarda umid uchqunlari paydo bo'lgandi. Ammo, koloradoliklarning bundan ortig'iga kuchlari etmadi.
Ajoyib qarama-qarshilik
Musobaqa jadvalida yonma-yon joylashgan ikki jamoa o'rtasidagi bahsda "Minnesota" g'alaba qozonib, raqibi "Real Solt-Leyk" bilan o'rin almashdi. SHu kuni, mezbonlarning tajribali kiperi Vito Mannone ishonchli harakat qildi. To'g'ri dastlab, aynan uning darvozasi Rusnak tomonidan ishg'ol qilindi. O'yinning qolgan qismida, Kintero "dubl" qayd etdi va Finley 83-daqiqada to'p kiritib yakuniy hisobni o'rnatdi - 3:1.
Nyu-York "buqalari"ni er tishlatishdi
"Sietl Saunders" jamoasi o'z uyida "Nyu-York Red Bullz"ni mehmon qildi va 4:2 hisobida mag'lubiyatga uchratdi. SHunday qilib, klub bu g'alabadan so'ng 2-o'ringa ko'tarilib oldi. Nyu-Yorkliklarning esa turnir jadvalidagi holatlari o'zgarmay qoldi. Morrisdan chiroyli gol, Devisning avtogoli va Lodeyroning "dubl"i muvaffaqiyatni taminladi. Mehmonlardan Aaron Long va Gamarralar bittadan to'p kiritishdi.
Betakror Zlatandan "xet-trik"
"La Gelaksi" o'ziga kela boshladi. Bu turda ular "Sporting Kanzas-Siti"ni o'z muhlislari ko'z o'ngida yanchib tashlashdi. O'yinda hali hamon o'zining yuqori sport formasini namoyish etayotgan "qarimas" Ibragimovich uchta gol urdi. SHuningdek, Sebasten Lledjet "dubl" qayd etdi va Korona bilan Antuna bittadan to'p kiritishdi. Ushbu gollarga mehmonlardan Guterres ikkita goli bilan javob qaytardi. Hisob esa Kanzas shahri jamoasi uchun sharmandali ko'rinishga keltirildi - 7:2. "La Gelaksi" ushbu muvaffaqiyatdan keyin 5-o'ringacha ko'tarilgan bo'lsa, "Sporting Kanzas-Siti" mag'lubiyatga qaramay egallab turgan o'rnini saqlab qoldi.
LA Galaxy Zlatan Ibrahimovic - 32', Joe Corona - 48', Zlatan Ibrahimovic - 51', Uriel Antuna - 69', Sebastian Lletget - 77', Sebastian Lletget - 79', Zlatan Ibrahimovic - 85' |
Major League Soccer . 1-tur 16/09/2019, 07:20 2
:
7
Tugadi
|
Sporting Kansas City Felipe Gutierrez - 24', Felipe Gutierrez - 86' |
Stadion: Dignity Health Sports Park
Ushbu turning ramziy terma jamoasi
Xondamir Hakimov tayyorladi
Fikrlar