Mixail Naumov: “G'alaba qozonishimiz ham mumkin edi”

Uchrashuvdan keyin samarqandliklar posboni Mixail Naumovning fikrlari bilan qiziqdik.

- “Neftchi”ga qarshi qiziqarli o'yin o'tkazdik. Har ikkala jamoada ham darvozani ishg'ol qilish uchun bir qator imkoniyatlar bo'ldi. Xususan, birinchi bo'limda mehmonlar ustunlikka ega bo'lgan bo'lsa, tanaffusdan keyin bizda gol urish imkoniyati ko'proq bo'ldi. Ayniqsa, o'z darvozamizdan to'p olib chiqqanimizdan so'ng “Neftchi” darvozasi oldida etarlicha xavfli vaziyatlarni yaratdik. Nafaqat hisobni tenglashirishimiz, balki g'alaba qozonimiz ham mumkin edi, ammo vaziyatlardan foydalana olmadik.

SHu kuni qaysidir manoda “Neftchi”ga tajriba, bizga tajribasizlik pand berdi, lekin bu erda ko'proq jismoniy tayyorgarlik asosiy rolni o'ynadi. Biz uchun hali mavsum boshlanmagani va jismoniy holatimiz mukammal darajada emasligi ko'rinib qoldi. O'zbekiston Kubogini tark etdik. Endi bor etiborimizni O'zbekiston Birinchiligi bahslariga qaratamiz.