Mixail Laudrup: "Bugun juda muhim g'alabaga erishdik"
17 mar 2015 20:06
Yangiliklar
Mixail Laudrup: "Bugun juda muhim g'alabaga erishdik"
"Yaxshi o'yin bo'ldi. G'alabadan xursandman. Birinchi bo'limda taktik jihatda yaxshi o'ynadik. Raqibga imkon qoldirmadik. Bugungi g'alaba biz uchun juda muhim bo'ldi", - deydi Laudrup.
- "Bunyodkor" jamoasining bunchalik kuchsiz o'yin ko'rsatishini kutganmidingiz?
- Birinchi bo'limda raqib men kutganimdek yaxshi o'ynadi. Hujum qilishga urindi. "Bunyodkor" kuchsiz o'ynamadi.
- Nima uchun "Bunyodkor" himoyada xatoga yo'l qo'yganida qarshi hujumlardan so'ng ikkinchi golni urishga urinmadinglar. Sizlarda bunday imkoniyatlar bo'lgandi.
- Biz hujum qilishga urindik. Tarkibimizda jarohat olganlar ko'p. Bugun ham sardorimiz jarohat oldi.
- Fikringizcha "Bunyodkor" juda ham qo'pol o'yin namoyiish etmadimi?
- Raqib birinchi bo'limda kutilganidek yaxshi o'ynadi. Ikkinchi bo'limda esa ular shoshishdi va ko'p xatoga yo'l qo'yishdi. O'tgan safar "Persepolis"ga qarshi o'yin kabi ko'p hujum qildi. Ketma-ket uydagi o'yinda yutqazib qo'ydi.
- Kecha siz "Bunyodkor" Rossiya klublariga o'xshaydi degan edingiz. Bugungi o'yindan keyin ham fikringiz o'zgarmadimi?
- Raqib jismonan kuchli jamoa hisoblanadi. Har qanday holatda "Bunyodkor"ni hurmat qilaman.
- "Bunyodkor" guruhdan chiqish imkoniyatini yo'qotdi deb o'ylaysizmi?
- Yo'q, hali oldinda 3ta o'yin bor. O'sha o'yinlarda g'olib bo'lishsa guruhdan chiqishadi.
Narzulla Saydullaev
Fikrlar