Mishel Platini britan gazetasini sudga berdi

 Bu haqida “Interfaks” axborot agentligi xabar tarqatgan.

“The Sunday Times” nashri biroz oldinroq UEFA prezidenti nomiga dog' tushiradigan maqolani elon qilgan edi. Maqolada, Mishel Platini 2018 yilgi Jahon CHempionati mezbonligi uchun saylovlarda pora evaziga Rossiya uchun ovoz bergani hamda o'z ovozi evaziga ruslardan Pablo Pikassoning kartinalaridan birini olgani haqida yozilgan edi. Maqolada Rossiya yana boshqa amaldorlarni ham pul bilan sotib olgani bayon qilingan edi.

FIFA bu holat bo'yicha noyabr oyida tekshiruv o'tkazdi va Rossiyaning mundial mezbonligini qo'lga kiritishi haqqoniy tarzda amalga oshgani haqida xulosa qildi. Natijada, “The Sunday Times” nashri tuhmatda ayblanmoqda.

“Bu ayblov boshdan g'irt uydirma edi. Endi mening advokatlarim ingliz gazetasi bilan shug'ullanishadi” – deydi Platini.

Qayd etish joizkli, 2018 yilgi mundial mezbonligi uchun Rossiya bilan birgalikda Angliya ham davogarlik qilgan edi.