Mirjalol Qosimov: "Hech kimni majburlab jamoada olib qolmoqchi emasmiz"

Mirjalol QOSIMOV: - Joriy mavsum Bunyodkor uchun omadli keldi. Jamoamiz bir yo'la uchta musobaqada g'olib chiqib, oltin xet-trikka erishdi. Lekin bu muvaffaqiyatlar osonlikcha qo'lga kiritilmadi. CHempionlik uchun kurash so'nggi turgacha davom etdi. Asosiy tarkib ham, Yoshlar ligasidagi o'rinbosarlarimiz ham 26-turda chempionlik masalasini ijobiy hal qilishdi. Har galgisidan bu safar juda qiyin bo'ldi. Bizni butun mavsum davomida izma-iz taqib etib kelgan Lokomotiv va Nasaf jamoalari so'nggi turgacha oltin medallar uchun kurashishdi. Taqdirimiz o'z qo'limizda ekanligi bizga qo'l keldi. Ertadan yangi mavsum haqida o'ylashni boshlaymiz. Yangi yildan umidlarimiz katta. Tarkibda sezilarli o'zgarishlar bo'lishi kutilyapti. Bazi etakchi futbolchilarimiz kelasi mavsum boshqa jamoalarda o'ynashadi. Futbol qonuniyati o'zi shunday. Bundan aslo xafa emasmiz. Hech kimni majburlab jamoada olib qolmoqchi emasmiz. Selekciya ishlari davom etyapti. Ro'yxatimizda taklif etilishi kerak bo'lgan futbolchilar bor. Hozir bor etiborni tarkibni yanada kuchaytirishga qaratamiz. Quvonarlisi, bugun mavsum to'purari Pishur bilan shartnoma muddatini uzaytirishga muvaffaq bo'ldik. Sashaning o'zi ham mamnuniyat bilan yangi kelishuvga imzo chekdi.