Mirjalol Qosimov: "Yangi format chempionatimiz saviyasi oshishi uchun xizmat qiladi"
30 okt 2017 15:02
Yangiliklar
![](https://championat.asia/upload/storage/286010_original.jpg)
![](/upload/storage/286010_220.jpg)
Mirjalol Qosimov: "Yangi format chempionatimiz saviyasi oshishi uchun xizmat qiladi"
- Bu o'zgarish albatta chempionatimiz saviyasini oshirishi, sifatli o'yinlarni ko'payishi uchun xizmat qiladi. Bu qarorga kelishdan avval O'FF rahbariyati chuqur o'ylagani, barcha jihatlarni inobatga olgan bo'lishi kerak. Yangicha format, jamoalar sonini 12taga qisqartirilishi orqali Oliy ligaga oxirgi yillarda yo'qolgan intrigani yana qaytarishi mumkin.
Kelasi yildan jamoalar 33ta o'yin o'tkazishadi. O'ylaymanki, ushbu uchrashuvlar sifat jihatidan ancha yuqori saviyada o'tadi. SHunchaki o'yinlar soni keskin kamayadi. Hamma qilinayotgan ishlar albatta chempionatimiz saviyasini ko'tarish va terma jamoamiz manfaati uchun. CHunki Oliy ligamiz kuchaysa, bundan muxlislar va terma jamoamiz yutadi. Kuchli o'yinlarda toblanadigan futbolchilar terma jamoa libosida ham munosib o'ynashadi.
Faqat birgina holat, hozirgi paytda turnir jadvalining pastki 12-16 o'rinlardagi jamoalarga bu qaror noqulaylik tug'diradi. CHunki oxirgi to'rtta tur oldidan 16-12 o'rindagi jamoalar elitada jon saqlab qolishlari uchun keskin kurashga kirishishlari aniq. O'ylaymanki, bu qaror qabul qilinishidan oldin klub rahbarlari bilan ham maslahatlashilgan. Bu jamoalar chempionat avvalida bunday bo'lishini bilishmagan. Ularni to'g'ri tushunib turibman. Ammo O'FFda rahbariyat o'zgardi va bu qaror chempionatimizni kuchaytirish maqsadida amalga oshirildi.
Boshqa tomondan olib qaralsa, oxirgi to'rtta tur pastki o'rinlardagi jamoalar uchun misoli final kabi o'tadi. "Dinamo", "Neftchi", "So'g'diyona", "SHo'rtan" hamda "Qizilqum" jamoalari ayni paytda xavfli hududdan uzoqlashish uchun kurash olib borishmoqda. Demak chempionat yakuni ancha qiziydi.
O’xshash yangiliklar
![AMP Logo](https://championat.asia/image/logo-amp.png)
Fikrlar