So’nggi yangiliklar

02:05АПЛ. "Ньюкасл" - "Ливерпуль" баҳси тақдирини 16 ёшли йигит ҳал қилди  8 01:50А Серия. "Интер" 5та гол фарқи билан ғалабага эришди  1 00:54Неймар ва "Реал" футболчилари Бразилия терма жамоасига чақирилмади  3 00:10Ўзбекистон Кубоги. "Сўғдиёна" – "Навбаҳор" 4:0  3 00:07Сергей Лушчан: “Бугун улар ўз жамоаси учун эмас, рақиб учун ўйнашди. "Навбаҳор"да ишлар эканман, бу ўйинчилар энди таркибдан жой олмайди”  25 23:46"Наполи" МЮ футболчисини ўз сафига қўшиб олади  0 22:38Аёллар ўртасида ОЧЛ. "Насаф" қизлари Непал клубини таслим қилди  0 21:54Винисиус "Овьедо"га қарши ўйинни захирада бошлашини кутмаган экан. Алонсо уни огоҳлантирмаган  2 21:35"Бавария" Жексон билан келишувга эришди. Энди "Челси" билан музокаралар бўлиб ўтади  2 21:24"Марсель" "Реал" хавбекини ижарага олмоқчи  0 20:56Ўзбекистон Кубоги. "Сўғдиёна" "Навбаҳор"ни йирик ҳисобда енгиб, илк ярим финалчига айланди  102 20:03Артём Петросян: "Қизил карточка ҳаммасини барбод қилди"  3 19:54Фарҳод Нишонов: "Олимпик" 10 киши бўлиб қолганига қарамасдан, астойдил курашди"  0 19:17Ҳиндистон терма жамоаси CAFA мусобақаси учун таркибини эълон қилди  5 18:58Про лига. "Олимпик-MobiUz" бир киши кам "Олимпик" устидан минимал ғалабага эришди  0

Mirjalol Qosimov: "O'yindan emas, natijadan qoniqdim" Yangiliklar

Mirjalol Qosimov: "O'yindan emas, natijadan qoniqdim"

Superliganing 17-turidan o'rin olgan "Bunyodkor" - OKMK (0:1) uchrashuvidan so'ng mehmonlar bosh murabbiyi Mirjalol Qosimov matbuot anjumanida ishtirok etdi.

O'yin haqida

- Fursatdan foydalanib butun O'zbekiston ahlini "Mustaqillik bayrami" kuni bilan muborakbod etaman. Juda og'ir o'yin o'tkazdik. Muhimi 3 ochkoni qo'lga kiritdik. Jamoani oldinda kichik tatil kutib turibdi. Ikki jamoa ham ehtiyotkorlik bilan harakat qildi. O'yinning yakuniy qismida standart vaziyatdan kiritgan golimiz bizga 3 ochkoni taqdim etdi. O'yindan emas, natijadan qoniqdim. Navbatdagi uchrashuvlarda "Bunyodkor" jamoasiga omad tilayman.

- Jamoangiz so'ngi daqiqalarda gol kiritishi evaziga g'alabani ilib ketgan uchrashuvlar bo'layapti. Bu sizning rejangizda bor jarayonmi? Masalan, 80-daqiqadan keyingi vaqt uchun alohida ko'rsatmalar berasizmi?

- Yo'q, maxsus ko'rsatma bermaymiz. Maydonga chiqqandan so'ng faqat futbol haqida o'ylash kerak. 80-daqiqadan keyin emas, hakam hushtagi chalinib, o'yin boshlanganidan to oxirigacha bir xil balansda o'ynashimiz kerak. "Dinamo" bilan o'yinda shu kabi xatolar evaziga mag'lub bo'ldik. Aksincha, gol urgandan so'ng jamoa yanada qo'shishi kerak. Futbol aks holda kechirmaydi.

- Superligada darajasi tenglashdi. Sizningcha, bu haqiqatdan ham jamoalarning kuchayishi bilan bog'liqmi?

- Bunga turlicha yondashish mumkin. Superligada shunchaki o'yin bo'lmaydi. Jadval hech narsani anglatmaydi. Birinchi o'rindagi jamoa bilan 14-o'rindagi jamoa o'ynasa ham, kim yutadi, kim yutqazadi, hech kim bilmaydi.

- "Bunyodkor"ga tamal toshi qo'ygan murabbiylardan birisiz. Jamoaning ayni damdagi inqirozi sizni qanday iztirobga soladi?

- Tashqaridan bir narsa deyish qiyin. Albatta, jamoaga achinaman. Ilyosga ham bu borada aytdim, omad tiladim, jamoa Superligadagi o'z o'rnini saqlab qolishni uddalashiga ishonch bildiraman. Bunday holat har bir jamoa bilan yuz berishi mumkin.

Reyting: +4   

Fikrlar

championat.asia
< so’nggi yangiliklarni ko’rish
Яндекс.Метрика