Mirjalol Qosimov: "Joriy mavsum "Paxtakor" hammadan bir bosh balandligini isbotladi"
04 dek 2019 22:55
Yangiliklar
![](https://championat.asia/upload/storage/532475_original.jpg)
![](/upload/storage/532475_220.jpg)
Mirjalol Qosimov: "Joriy mavsum "Paxtakor" hammadan bir bosh balandligini isbotladi"
- Bunaqa hisobdan keyin gapirishning hojati ham yo'q. "Paxtakor" jamoasi joriy mavsum boshqalardan har jabhada kuchli ekanligini isbotladi. Bugungi bahsda ham haqli ravishda g'alaba qozondi. Liga Kubogi musobaqasi tarixda ilk bor o'tkazilgani bois, bizning jamoa ham g'olib chiqib, tarixda birinchi bo'lishga harakat qilgandi. Lekin o'yinda raqib jamoa bir bosh balandligini ko'rsatdi. O'zbekiston chempionatida ham, kubok bahslarida ham "Paxtakor" joriy mavsum tengsiz bo'lgani bejiz emas. O'zbekistondagi eng yaxshi va kuchli ijrochilar yig'ilgan. Haqli ravishda barcha frontda g'alaba qozongan "Paxtakor"ni muvaffaqiyat bilan tabriklaymiz.
Mavsum tugadi. Buyog'iga tatil. Fursatdan foydalanib AGMK rahbariyatiga minnatdorchilik bildiraman. Qolaversa, futbolchilarimiz, butun shtabdagi barcha xodimlarga yil davomidagi mehnatlari uchun rahmat aytaman. To'g'ri, yaxshi va yomon o'yinlar bo'ldi. Bu ish jarayonida kuzatiladigan holat.
Qolaversa, biz uchun eng kerakligi - muxlislarga qiyin paytda ham jamoamizga dalda bo'lganliklari, xursandchilikda birga yonma-yon turishgani uchun rahmat aytaman. Ular butun mavsum davomida bizni qo'llab-quvvatlab turishdi. O'zim hamda jamoa nomidan ularga minnatdorchilik bildiraman.
Mavsum jamoamiz uchun bir tekisda o'tgani yo'q. Mavsum avvalida juda ko'p xatolarga yo'l qo'ydik. Qolaversa, o'zaro kirishib ketish, jamoaviy tushuncha paydo bo'lishi qiyin kechdi. Birinchi davrada katta xatolar kuzatildi. Davralar oralig'idagi tanaffusdan keyin jamoaning ichki muhiti ham yaxshilandi va bu o'yin hamda natijalarda ham yaxshi manoda aks etishni boshladi. O'zaro o'yin ko'nikmasi va tushunchasi yaxshi shakllandi. Mavsumning ikkinchi qismida kerakli ochkolar jamg'arildi. Biroq oxirgi turlarda, ayniqsa Buxoroda ozgina omad kulib boqmadi. Aks holda mavsumni 6-o'rinda yakunlardik. Qisqa qilib aytganda, ikkinchi davrada jamoa ancha o'sishga erishdi va kuchaydi.
Kelasi mavsum? Avval 3-4 kun futboldan biroz chetlashib, hordiq chiqarish lozim. Keyin esa mavsum davomidagi ishlar tahlil qilinadi. Kimlar ketadi yoki kim qolishi keyin aniqlanadi. SHuningdek, rahbariyat bilan uchrashib gaplashib olamiz. Qolganini vaqt ko'rsatadi.
O’xshash yangiliklar
![AMP Logo](https://championat.asia/image/logo-amp.png)
Fikrlar