Mirjahon Mirahmadov: “Mashal“ni hurmat qilamiz. Lekin, g'alaba uchun maydonga chiqamiz”
05 mar 2020 21:35
Yangiliklar
![](https://championat.asia/upload/storage/549565_original.jpg)
![](/upload/storage/549565_220.jpg)
Mirjahon Mirahmadov: “Mashal“ni hurmat qilamiz. Lekin, g'alaba uchun maydonga chiqamiz”
Vadim Abramov shogirdlari bugun noqulay ob-havo sharoitiga qaramasdan mashg'ulotlarni tabiiy qoplamali maydonda o'tkazishdi. Tarkibdagi barcha futbolchilar murabbiylar shtabi tomonidan berilgan ko'rsatmalarni astoydil bajarishdi. Garchi yomg'ir yog'ib maydon holatiga biroz salbiy tasir qilgan bo'lsada, futbolchilar to'p bilan ishlashdi. Turli taktik uslublar va chizmalar sinovdan o'tkazildi.
Legionerlardan turkmanistonlik Selim Nurmuradov jarohatini tiklash bilan band. Tojikistonli Davronjon Ergashev mashg'ulotlarda o'zini har tomonlama ko'rsatishga harakat qilmoqda. Darvozabonlar bilan doimgidek Abdusattor Rahimov alohida ish olib bordi.
Biz esa yakunda iqtidorli hujumchi Mirjahon Mirahmadovning fikrlari bilan qiziqdik.
“Bo'lajak bahsga taraddud ko'ngildagidek ketmoqda. Jamoada kayfiyat alo darajada. Mana, bugungi mashg'ulot ham quvnoq kayfiyatda o'tdi. “Mashal” bilan bellashuvda g'alaba uchun maydonga chiqamiz. “Surxon” bilan o'yindagi g'alaba tarixda qoldi. Endilikda navbatdagi uchrashuvga jiddiy qarayapmiz. Zero, raqibimizni kuchsiz demagan bo'lardim. Ularga to'g'ri munosabatda bo'lgan holda to'p tepamiz. Ularni hurmat qilamiz. Joriy yil hisobidan birinchi uy bahsida uch ochkoni o'zimizniki qilmoqchimiz. Bizning maqsadimiz doim yuqori bo'lib kelgan. Demak, har bir turda maksimal ochko jamg'arishga harakat qilamiz. Muxlislardan stadionga kelib qo'llab-quvvatlab turishlarini so'rab qolaman”, - dedi Mirahmadov.
Abdulaziz Iskandarov yozib oldi
O’xshash yangiliklar
![AMP Logo](https://championat.asia/image/logo-amp.png)
Fikrlar