Milliardlik stadionda ilk o'yin o'tkazildi

Milliard evro sarflangan yangi stadionda "Tottenxem" U18 jamoasi "Sautgempton" yoshlariga qarshi maydonga tushdi. "SHporlar"ning o'sib kelayotgan avlodi hamda arenani ko'rish uchun deyarli 29 ming kishi stadionga tashrif buyurdi.

Stadion joriy mavsum boshida foydalanishga topshirilishi kerak edi, ammo qurilish tempi pasayishi va bazi kamchiliklar tufayli arena ochilishi cho'zilaverdi.

"Tottenxem" ushbu stadiondagi ilk rasmiy o'yinni 3 aprel kuni "Kristal Pelas"ga qarshi Angliya Premer-ligasi doirasida o'tkazadi.

Yangi arena o'z bag'riga 62 062 nafar muxlisni sig'dira oladi.