Millatlar Ligasi. Angliya Belgiya ustidan irodali g'alabaga erishdi

"Uembli"da o'tgan o'yinda hisob 16-daqiqada Romelu Lukakuning penaltidan yo'llagan aniq zarbasidan keyin ochildi. 1-taym oxirlarida Markus Reshford bu safar raqib darvozasiga belgilangan penaltidan gol urib, oradagi muvozanatni tikladi – 1:1.

Keyingi bo'limning o'rtalarida Meyson Maunt Belgiya darvozasiga to'p kiritib, uchrashuvdagi yakuniy hisobni belgiladi – 2:1.

Ushbu g'alabadan keyin Garet Sautgeyt shogirdlari guruhda 7 ochko bilan peshqadamga aylanib oldi. 2-o'rindagi belgiyaliklar hisobida esa 6 ochko bor.

Angliya – Belgiya 2:1 (1:1, 1:0)

«Uembli»

Gollar: 0:1 – 16, penalti Lukaku, 1:1 – 39, penalti Reshford, 2:1 – 64 Maunt.

Angliya – Pikford, Uoker, Maguayr, Tripper, Dayer, Xenderson (Fillips, 66), Maunt (Sancho, 89), Rays, Aleksander-Arnold (Djeyms, 79), Reshford, Kelvert-Lyuin (Keyn, 66).

Belgiya – Minole, Kastan, Alderveyreld, Boyata, Mene, de Bryuyne (Versxaren, 73), Tilemans, Karrasko (Doku, 83), Vitcel, Denayer, Lukaku.

Ogohlantirishlar: Rays (32), Mene (38).