Miklyaev: "CHeranga "Loko" jiddiy qiziqmoqda?"

- Ishonchli o'ynadik va haqli g'alabaga erishdik. Mahorat bobida ustunlik qildik. CHempionat to'purari ham bugun gollarga mualliflik qildi. Muhim 3 ochkoni qo'lga kiritganimizdan xursandman. CHempionlik bilan tabriklash? Yo'q, bunga hali erta. Rasman chempionlikni qo'lga kiritmagunimizcha bir narsa deyish qiyin.

Ertangi o'yin haqida aniq bir narsa deya olmayman. "Paxtakor" - "Bunyodkor" ancha qiziqarli va keskin kurashlarga boy kechishi aniq. Bu uchrashuvni albatta kuzatish uchun boraman. O'ylaymanki, qiziqarli derbi guvohiga aylanamiz.

Masharipov? Uning transferi albatta biz uchun omadli. To'g'ri, oxirgi uchrashuvlarda uning o'yini biroz chiqmayapti. CHunki u avval "Paxtakor"da boshqa uslubda o'ynagan. Bizda esa himoyaga ham qaytishiga to'g'ri kelmoqda.

Dragan CHeranga "Lokomotiv" jiddiy qiziqmoqda? Bu haqida hech narsa deya olmayman. Dragan albatta yaxshi futbolchi. Bugun "Qo'qon-1912"da o'ynagan Filipp Raevac ham yaxshi hujumchi masalan. Bikmaevga ham boshqa jamoalar qiziqayotgan bo'lishi mumkin. Bu tabiiy.