Mikael Sekeyra: "Yig'inga rejalashtirgan pulni klub infrastrukturasidagi kamchiliklarni to'g'rilab olishga sarflay qoling"

"O'quv-mashg'ulot yig'inini o'tkazish niyatida Superliga klublari qishki va yozgi yig'inlar mobaynida odatda chet elga yoki diyorimizning turli nuqtalariga yo'l olishadi. “Lokomotiv” ham bir necha yil davomida yozgi yig'inlarni diyorimizning so'lim go'shalari-yu, Avstriya, Belarus kabi davlatlarda o'tkazib keldi.

Portugaliyalik mutaxassis kelishi bilan ko'pchilik “Yozgi yig'inni Evropaning biror nuqtasida o'tkazsak kerak” degan o'yga borgandi. Sekeyra esa aksincha: "Men yig'in uchun albatta manzilni o'zgartirishim shart emas, to'laqonli mashg'ulot uchun sharoit bo'lsa bo'lgani, mana, o'zimizning baza ham bo'laveradi. Yig'inga rejalashtirgan ortiqcha pulni klub infrastrukturasidagi bazi kamchiliklarni to'g'rilab olishga sarflay qoling”, dedi.

Xullas, yozgi o'quv-mashg'ulot yig'inini Toshkentda – o'zimizning “Lokomotiv” bazasida boshladik. Biror murojaatingiz bo'lsa manzilni bilasiz...", - deb yozadi "Lokomotiv" klubi shifokori Abror Pirriev.