Midori Honda: "Hindistonga qarshi kechadigan uchrashuvda g'alaba qozonishimiz kerak"

- Bugungi uchrashuvda har bir jamoaning maqsadi bor edi. Tan olishimiz kerak, Yaponiya terma jamoasi bizdan kuchliroq. Bugungi uchrashuv biz uchun katta tajriba bo'ldi.

- Yaponiya terma jamoasining dastlabki daqiqadagi qarshi hujumlari haqida gapirib o'tsangiz?

- Yaponiya terma jamoasi dastlabki o'n daqiqada o'z qarshi hujumlarining kuchini ko'rsatib qo'yishdi.

- O'zbekiston terma jamoasi 2 ta gol o'tkazib yuborishiga qaramay, bugun yomon o'yin namoyish etmadi. O'z shogirdlaringizning o'yiniga baho berib o'tsangiz...

- Ikkita gol o'tkazib yuborishimizga qaramasdan, birinchi taymda yomon harakat qilmadik. Birinchi bo'limda hujumlar uyushtirdik, ammo Yaponiya terma jamoasining darajasi kuchlilik qildi.

- Hindistonga qarshi uchrashuv haqida nimalar deya olasiz?

- Hindistonga qarshi kechadigan uchrashuvda g'alaba qozonishimiz kerak. Keyingi bosqichga o'tishimiz uchun biz Hindistonni yiriq hisobda mag'lub etishimiz lozim.

- Ikkinchi bo'limda terma jamoamiz deyarli hujum uyushtirmadi. Bunga sabab terma jamoamiz urilgan va o'tkazib yuborilgan gollar statistikasini saqlab qolishmidi? Agar O'zbekiston hujum uyushtirganda, Yaponiya qarshi hujumlarda bizni yana jazolashi va hisobni yiriklashtirib yuborishi mumkin edi.

- Fikringizga qo'shilaman. O'yin boshidayoq ikkita gol o'tkazgandik. Agar hujumga o'tishda davom etganimizda, yanada o'proq gol o'tkazib yuborishimiz mumkin edi. Gollar statistikasi keyingi bosqichga chiqish uchun juda muhim va biz ushbu jihatni albatta hisobga olgandik.

- Bugun terma jamoamiz raqib darvozasiga deyarli xavf solmadi. Bunga sabab nima? Masalan, o'tgan uchrashuvda Hindiston terma jamoasi katta hisobda yutqazganiga qaramay, ularda 2-3 ta yaqqol golli vaziyatlar bor edi.

- Yaponiya juda kuchli terma jamoa. Biz ham hujum qilishga intildik, biroq baribir Yaponiyaning darajasi bugungi uchrashuv natijasini hal qilib berdi.