“Metallurg” Turkiyada Qozog'iston klubini mag'lub etdi
06 fev 2019 10:52
Yangiliklar

“Metallurg” Turkiyada Qozog'iston klubini mag'lub etdi

Turkiyaning Antaliya shahrida yig'in o'tkazayotgan Bekobodning “Metallurg” jamoasi uchinchi nazorat uchrashuvida Qozog'iston Respublikasining “Akjayik” jamoasi bilan kuch sinashdi va 1:0 hisobida g'alaba qozondi.

Uchrashuv taqdirini 78-daqiqada Muzaffar Muzaffarov tomonidan urilgan yagona gol hal etdi. Jamoa bosh murabbiyi Andrey SHipilov mazkur uchrashuvda ko'rikda bo'lib turgan ikki nafar legioner o'yinchiga maydonga tushish imkoniyatini berdi.

Turkiyadagi yig'in davomida “Metallurg” yana bitta uchrashuvda maydonga chiqadi. 8 fevral kuni poytaxt viloyati vakillarining sparring raqibi “Leningradec” jamoasi bo'ladi.

“Metallurg” kechagi o'yinni quyidagi tarkibda o'tkazdi: Zafar Safaev, Zoir Jo'raboev, SHavkat Mullajonov, Xudoyshukur Sattorov, Abror Toshqo'ziev, Odil Abdumajidov, Sergey Tumasyan, Ibrohim Yo'ldoshev, Muhammad Isaev, Doniyor Usmonov, Zohid Abdullaev.
Zahira: Karim Muhammedov, Abbos Otaxonov, Akbar Ismatullaev, Stanislav Andreev, Muzaffar Muzaffarov, Islom Isoqjonov, Mahmud Qudratullaev, Bahodir Pardaev.