"Metallurg" Turkiyada Qozog'iston klubini mag'lub etdi

Raqib Qozog'istonning “Akjayik” jamoasi bo'ldi. O'yin hamyurtlarimizning ustunligi ostida o'tdi va “Metallurg” 2:0 hisobida g'alaba qozondi. 13-daqiqada bekobodliklarning hujumini qaytarish chog'ida “Akjayik” himoyachisi to'pni o'z darvozasiga kiritib qo'ygan bo'lsa, 35-daqiqada “Metallurg” to'purari Zohid Abdullaev o'zini ko'rsatdi.

“Metallurg” navbatdagi ko'rik-o'rtoqlik uchrashuvini 11 fevral kuni Ukrainaning “Volyn” jamoasiga qarshi o'tkazadi.
Bekobodliklar “Akjayik”ka qarshi uchrashuvni quyidagi tarkibda o'tkazishdi:

“Metallurg”: Zafar Safoev, Mirg'iyos Sulaymonov, Vusol Mageramov, Dostonbek Tursunov, Davron Karimqulov, Jahongir Abdumo'minov, Doniyor Ismoilov, Sanjar Qodirqulov, Ayubxon No'monov, Dilmurod Karimov, Zohid Abdullaev.
Zaxira: Suhrobjon Sultonov, Hikmat Hoshimov, Jasur Ahmedov, Kamronbek Kopadze, Alisher Ziyovuddinov, Farhod Namozov, Doniyor Odilov, Islom Isoqjonov, Muhammadodil Qahramonov, Umid Rahimov, Zuhrillo Boboev, Murodjon Toshmatov.

"Metallurg" matbuot xizmati