“Metallurg” tibbiy ko'rikdan o'tdi

Dastavval asosiy tarkib vakillari, bugun esa yoshlar tarkibi shifokorlar nazoratidan o'tishdi. Ko'rik yakunlari ertaga malum qilinadi.

O'z navbatida yangi mavsumga tayyorgarlik jarayonida asosiy tarkib o'yinchilari oliy liganing yangi vakili – G'uzorning “SHo'rtan” klubiga qarshi nazorat uchrashuvida maydonga tushganligi va bu o'yin durang natija bilan intiho topganligini aytib o'tmoqchimiz.

Mazkur uchrashuvda ham “Metallurg” bunyodkorchilarga qarshi o'tkazilgan o'yindagi tarkibini tushirdi. Bekobodliklarda bir necha marta gol kiritish imkoniyati bo'ldi.  O'z navbatida g'uzorliklar hujumchisi Igor Taran penaltidan foydalana olmaganligini ham qayd etish lozim.

Ertaga poytaxtimizdagi “CHilonzor” stadionida “Metallurg” va “Olmaliq” jamoalarining asosiy tarkiblari o'rtasida o'rtoqlik uchrashuvi bo'lib o'tadi. Uchrashuv 15:00 ga rejalashtirilgan.