"Metallurg" - "Navbahor" o'yiniga oid qiziqarli faktlar

Etiboringizga ushbu bellashuvga oid qiziqarli faktlarni keltiramiz.

Eng kam: Ushbu bellashuv 17- tur doirasidan o'rin olgan o'yinlar orasida eng kam muxlis to'pladi. "Metallurg" o'yingohiga 1012 tomoshabin kirgan xolos.

Eng ko'p: Bekobodliklar bilan kechgan o'yinga kirgan tomoshabinlar shu kecha 5 ta golga guvoh bo'lishdi. 17- turda beshta gol shuningdek "Paxtakor" - "Qo'qon-1912" uchrashuvida qayd etildi. Poytaxtliklar 4:1 hisobida "Qo'qon-1912" ustidan yirik g'alabaga erishdi. Ushbu ikki bellashuv turning eng ko'p gol urilgan o'yinlariga aylandi. 17- turning qolgan bahslarida 3 tadan ortiq gol urilmagan.

1 - Ikkinchi davrada "lochinlar" safiga ijaradan qaytgan himoyachimiz Qahramon Muhammadjonov joriy mavsumdagi o'zining birinchi golini urdi.

2 - Oliy liga ushbu mavsumida "Navbahor" o'zining safardagi ikkinchi g'alabasini nishonladi. Ilk bor "Qo'qon-1912" ustidan mehmonda 3 ochko ishlagandik.

3 - "Metallurg" bilan o'zaro o'yinlar tarixida bu jamoamizning bekobodliklar ustidan qozongan mehmondagi uchinchi muvaffaqiyati bo'ldi. Jamoamiz sardori Dilshod Jabborov esa kecha mavsumdagi uchinchi golini tantana qildi.

4 - Hujumchimiz SHahboz Erkinov Oliy liga ushbu mavsumida to'purarlar poygasida to'rtinchi o'ringa ko'tarilib oldi. Hozircha Erkinov hisobida 8 gol mavjud. SHuningdek ushbu o'yinda Dilshod Jabborov "Navbahor" tarkibida o'tkazgan faoliyatida "Metallurg" darvozasini to'rtinchi marotaba aniq ishg'ol etdi.

5 - Besh yillik tanaffusdan so'ng "Navbahor" bekobodliklarni mehmonda mag'lubiyatga uchratdi. So'nggi bor 2010 yilda Yuriy Celixning dubli evaziga ushbu raqib maydonidan uch ochko olgan edik.

6 - Jamoamizning O'zbekiston chempionatidagi g'alabalari soni oltitaga etdi.

8 - Musobaqa jadvalida klubimiz sakkizinchi pog'onaga ko'tarilib oldi.