Metallurg klubi prezidenti vafot etdi

Qadrli metallurglar, hurmatli bekobodliklar!

Qayg'u va iztirob bilan biz sizga “O'zmetkombinat” AJ boshqaruv raisi Sergey Anatolevich Vyunenkoning vafoti to'g'risida malum qilamiz. Sergey Anatolevich og'ir oqibatlarga olib kelgan qisqa davom etgan kasallik tufayli 2020 yil 8 sentyabrda vafot etdi.

Sergey Anatolevich 1978 yilda Qozog'istonning Pavlodar shahrida tug'ilgan. Evroosiyo Innovacion universitetini tamomlagan. Sergey Anatolevich butun umrini metallurgiya sanoatiga bag'ishladi. Mehnat faoliyatini 1998 yilda “Qozog'iston alyumin” akciyadorlik jamiyatida quvurlar montajchisi vazifasidan boshlagan. Keyinchalik operator, po'lat quyuvchi, “Kasting” MCHJda uzluksiz quyish mashinasi brigada boshlig'i vazifalaridan ishladi.
2008 yildan Qozog'istonning yirik metallurgiya korxonalarida turli masul lavozimlarda mehnat qilgan.

“KSP Steel” metallurgiya ishlab chiqarish boshqarmasi (avvalgi Qozog'iston choksiz quvur zavodi) da uzluksiz quyish mashinasi uchastkasi ustasi, metallurgiya ishlab chiqarish boshqarmasining o'rinbosari, metallurgiya ishlab chiqarish boshlig'i, quvirlarni prokatlash bo'yicha ishlab chiqarish boshlig'i, quvirlarni prokatlash zavodi direktori, quyish-temirchilik cexining boshlig'i, Aktyubinsk rels to'sinlari zavodi"ning texnik direktori, ishlab chiqarish bo'yicha direktori vazifalarida faoliyat ko'rsatgan.

2017 yildan boshlab Sergey Anatolevich Vyunenko “O'zmetkombinat” AJda ish boshlagan. Dastlab u kombinat bosh muhandisi, boshqaruv raisining birinchi o'rinbosari, boshqaruv raisining ishlab chiqarish bo'yicha birinchi o'rinbosari, 2020 yildan esa “O'zmetkombinat” AJning boshqaruv raisi va "Metallurg" klubi prezidenti vazifalarida mehnat qilib kelgan.
Sergey Anatolevich Vyunenko O'zbekiston Respublikasida qora metallurgiya sanoati rivojiga katta hissa qo'shdi. U o'ziga va korxona rahbar va mutaxassislariga juda talabchan edi. Uning rahbarligida ferroqotishmalar, po'lat simlar va boshqa turdagi metall mahsulotlari ishlab chiqarish quvvatlari ishga tushirildi, yirik investiciya loyihasi - "Quyuv-prokatlash majmuasi qurilishi" ishlari boshlandi.

Sergey Anatolevich metallurglarning farovonligi va turmush darajasini oshirishga alohida etibor qaratar edi.
Metallurglar uchun aziz inson bo'lgan Sergey Anatolevich Vyunenko bekobodliklar xotirasida malakali va tajribali rahbar sifatida abadiy qoladi.

Barchamiz uchun ushbu og'ir va iztirobli kunda marhumning oilasiga va yaqinlariga, "O'zmetkombinat" AJning butun mehnat jamoasiga samimiy va chuqur hamdardlik bildiramiz.