So’nggi yangiliklar

23:41РПЛ. "Рубин" меҳмонда "Краснодар"га мағлуб бўлди, Ашурматов захирада қолдирилди  1 23:31Элит ОЧЛ. "Ал Аҳли" финалда "Кавасаки Фронтале"ни мағлуб этиб, чемпионликка эришди!  19 23:09Туркия Суперлигаси. "Галатасарой" "Сивасспор"га қарши ўйинни биринчи бўлимдаёқ ҳал қилди, Турғунбоев захирада қолдирилди  1 23:05Педру Морейра: "Ўзбекистон чемпионати осон эмас. Йигитларим бугунга ўйинда охиригача ҳаракат қилиб, характер кўрсатишди"  18 22:52Миржалол Қосимов: "Яратганга шукр, бизни ҳаракатимизга яраша мукофотлади"  9 22:50"Реал Вальядолид" — "Барселона". Ансу Фати асосий таркибда  43 22:46А Серия. "Наполи" меҳмонда ғалабага эришди, "Интер" "Верона" билан куч синашади  1 22:41Александр Хомяков: "Ҳафсалам пир бўлди"  46 22:38ОПЛ. "Сабаҳ" меҳмонда "Араз" билан дуранг ўйнади, Раҳмоналиев биринчи бўлимнинг ўзида захирада майдонга тушди ва сариқ карточка олди  0 22:34Лига 1. ПСЖ меҳмонда "Страсбур"га мағлуб бўлди  5 22:23Асрор Алиқулов: "Бухоро" ўз услубини ўзгартиргани йўқ. Биз эса қийин ғалабага эришдик"  7 22:15"Сурхон" ўз уйида 22 йиллик танаффусдан сўнг "Пахтакор"ни мағлуб этди  95 21:59"Барселона" ярим ҳимоячисини йўқотди  0 21:39Олмалиқда ҳақиқий драма! Хуршид Ғиёсовнинг бенифисига айланган учрашувда ОКМК "Андижон" билан 1:3 ни 4:3 га айлантирди!  185 21:22Улуғбек Бакаев: "Раҳбариятнинг қарори мен ва раҳбарият ўртасидаги шахсий масала"  7

"Metallurg" Birinchi ligada ham yo'q! Yangi mavsumda Birinchi ligada 30 ta jamoa ishtirok etadi Yangiliklar

"Metallurg" Birinchi ligada ham yo'q! Yangi mavsumda Birinchi ligada 30 ta jamoa ishtirok etadi

Teglar :  Birinchi liga
O'zPFL matbuot xizmati joriy mavsum Birinchi ligada o'ynaydigan jamoalarni elon qildi.

Jami 30 ta jamoa musobaqada ishtirok etadi. Achinarlisi, uzoq yillar davomida Superligada harakat qilib kelgan "Metallurg" Birinchi liga musobaqasida ham ishtirok etmaydigan bo'ldi.

Birinchi liga yosh iqtidorlar uchun katta futboldagi dastlabki qadamlari oldidan maydon vazifasini o'tab beradi. Liga o'z yo'nalishi asosida futbol akademiyalari va universitetlar qoshida tashkil etilgan sport klublarini qo'llab-quvvatlashda davom etadi. Musobaqada bemaqsad ishtirok etayotgan, shubhali o'yinlarga aloqasi mavjud bo'lgan yoki Liga hamda ishchi-xodimlar bilan shartnomalar shartlariga rioya qilmaydigan klublar esa Liga qatnashchilari safidan chiqariladi.

30 ta jamoa qanday saralab olindi?

Jamoalarning uchdan bir qismi O'FA qoshidagi hududiy akademiyalar bo'lib, ular o'z tarbiyalanuvchilarini Birinchi liga orqali katta futbolga tayyorlaydi. Mazkur akademiyalar qoshida sport klubi tashkil etilgan bo'lib, aynan shu klublar Liga azosi hisoblanadi.

Shuningdek, "Nasaf", "Paxtakor", "Bunyodkor", "Lokomotiv", OKMK, Navbahor kabi klublar o'z farm jamoasini tashkil etgan. Ular Birinchi ligada qatnashish orqali, o'z zaxirasini mustahkamlashni maqsad qilgan.

Birinchi ligada universitet jamoalari joriy mavsumda ham 2 tani tashkil qiladi: Buxoro davlat universiteti hamda Qarshi davlat universiteti. QarDU jamoasi Birinchi ligada "Lochin" nomi bilan to'p tepadi.

Qolgan 12 ta jamoadan 3 tasi O'FA tashkil etgan o'tish o'yinlari orqali Birinchi liga ishtirokchisiga aylandi: "Bog'dod", "Ishtixon", "Kattaqo'rg'on". "Zamin", "Qiziriq", "Qumqo'rg'on", "Lokomotiv BFK", "Chig'atoy", "Cementchi", "Do'stlik" kabi jamoalar o'tgan mavsumda ham Liga azolari hisoblangan.

"Ahmedov FK" ikki mavsum avval Birinchi ligada Olimpiya nomi bilan ishtirok etgan bo'lib, 2024 yilda Parij Olimpiadasi uchun tayyorgarlik ko'rayotgan "Olimpik" klubiga ko'maklashdi va uning U21 jamoasi sifatida Liga musobaqalarida o'ynadi. "Oqtepa" esa Toshkent shahar kubogida zafar quchib, Liga Ustavi asosida kirish badalini to'lash sharti bilan Birinchi ligaga qabul qilindi.

Birinchi ligada 30 ta jamoa ishtirok etadi

Jamoalar uch mintaqaga bo'linadi

Geografik jihatdan Liga 30 ta jamoani uch mintaqaga ajratib oladi: G'arb, Markaz, Sharq. Bu uch sababga ko'ra amalga oshiriladi:

• pulni iqtisod qilish;

• yosh futbolchilarning uzoq masofadan keyingi tiklanishini osonlashtirish;

• yosh futbolchilar uzoq safarlar tufayli talimdan uzoqlashib ketmasligiga erishish.

G'arbiy mintaqadan Qoraqalpog'iston, Xorazm, Buxoro, Navoiy, Qashqadaryo va Surxondaryo jamoalari o'rin oladi. Har uch mintaqada jamoalar soni teng bo'lishiga erishish uchun, Markazga nisbatan yaqinroq bo'lgan Samarqandning Ishtixon yoki Kattaqo'rg'on jamoalaridan biri qura asosida Markaziy mintaqaga o'tkaziladi.

Jizzax, Sirdaryo, Yangiyo'l va Toshkent shahri jamoalari (6 tasi) esa Markazni tashkil etadi. Poytaxtning 9 ta jamoasi Birinchi ligada ishtirok etayotganidan kelib chiqib, qura yordamida ularning 6 tasi Markazga biriktiriladi. Qolgan 3 ta jamoa esa Sharqiy mintaqada Angren va vodiy jamoalari bilan bellashadi.

Musobaqa formati haqida

Har bir mintaqada 10 tadan jamoa bo'lgach, ulardagi har bir jamoa 9 ta uy va 9 ta safar uchrashuvida maydonga tushadi. Shu tariqa musobaqaning birinchi bosqichi o'z yakuniga etadi.

Ikkinchi bosqichga har bir mintaqaning eng yaxshi 5 tadan jami 15 ta jamoasi yo'l oladi. Liga ular qatoriga 1 ta mehmon jamoani 16-jamoa sifatida qo'shadi. Mazkur jamoa Liga ro'yxatidan o'tmagan futbolchilardan tuziladi va uning nomi keyinroq malum qilinadi. O'z mintaqasida 1 va 2-o'rinlarni egallagan jamoalar, shuningdek, uchinchilar orasidan 2 ta eng yaxshi jamoa 1-savatdan joy oladi va ular 1/8 finalda o'zaro raqib bo'lmaydi. Liganing mehmon jamoasi va qolgan jamoalar 2-savatni tashkil etadi.

1/8 final bosqichi uchun barcha jamoalar Toshkentga tashrif buyuradi. Har bir juftlik 3 kun ichida 2 tadan uchrashuvda maydonga tushadi va har ikki o'yin natijasiga ko'ra g'olib chiqqan jamoalar ¼ final yo'llanmasini qo'lga kiritadi. Keyinroq mana shu g'olib sakkiz jamoa musobaqa g'olibligi uchun kurashni Toshkentda alohida davom ettiradi (2024 yilda bo'lgani kabi). ¼ finalga qura tashlanayotganda jamoalar savatlarga ajratilmaydi.

Malumot uchun, Birinchi liganing barcha hujjatlarni o'z vaqtida ro'yxatdan o'tkazgan 16 jamoasi 2025 yilgi mavsumdagi yurishini O'zbekiston kubogining saralash bosqichidan boshlaydi. Birinchi liga taqvimi esa Ligadan tomonidan keyinroq elon qilinadi.

Reyting:    

Fikrlar

   
25 mar 10:03:03
Elyor Haydarov
Про-лига ни 10 тага этказса макул булар ЭДИ 30 коммандадан танлаб олса булар ЭДИ уларнинг сони куп булиб УЙИН АМАЛИЕТИ орган булармиди
   
25 mar 10:00:41
Elyor Haydarov
Про-лига ни 10 тага этказса макул булар ЭДИ 30 коммандадан танлаб олса булар ЭДИ уларнинг сони куп булиб УЙИН АМАЛИЕТИ орган булармиди
   
25 mar 09:54:46
Arsenal_21_
2030 yilga kelib bunday Suniy taşkil etilgan klublaridan hali neçtasi qoladi ??? Kim biladi ! Suniylar yöq bölib Tabiy klublar qoladi
   
25 mar 09:14:28
Azizbek Rustamovich
Zo‘r, lekin Proliga jamoalarini ham xech yo‘q o‘n ikkitaga yetkazish kerak. Avvalari g‘arbiy va sharqiy mintaqa bo‘lib o‘ynaganda ham ha mintaqada o‘n o‘n ikkitadan jamoa bo‘lardi. Futbol jamoalari kamayib ketyapti negadir. Bekobod, Chirchiq, Angren, Marg‘ilon, Quvasoy, Guliston kabi katta shaxarlarda katta futbolni yo‘qligi achinarli. Ayniqsa Gulistonda. Bir paytlar Guliston va Yangiyer jamoalari bo‘lardi
-1   
25 mar 09:13:34
Davlatjon Ismoilov
Paxtakor doim plus 6 achko bilan boshlar edi mavsumni
Endi nima boladi)))
Muhlisi yoq jamoalarni tarqatib yuboraveringla)))
championat.asia
< so’nggi yangiliklarni ko’rish
Яндекс.Метрика