"Metallurg" 2007 yil dastlabki 4ta o'yinda yuta olmagandi

Rustam Mirsodiqov boshchilik qilayotgan jamoa dastlabki 4ta turdan so'ng 0 ochko bilan musobaqa jadvalining oxirgi pog'onasini egallab turibdi.

So'nggi bor bunday omadsiz start 2007 yilgi mavsumda qayd etilgandi. O'sha yil ham "Metallurg" ilk to'rtta bahsda yutqazib qo'ygandi. Undan keyin nima bo'lgan deysizmi? 5 va 6-turlarda yana mag'lubiyat, 7 va 8-turda durang! Yani dastlabki 8ta turdan so'ng "Metallurg" 2 ochko jamg'argandi. Faqat 9-turga kelib Bekobod klubi g'alaba qozongandi. Mavsum oxirida esa 16 jamoa orasida 15-o'rinni olgan jamoa oliy ligada qolgan.

Bu yil nima bo'lishini ko'ramiz. 5-turni "Metallurg" o'z maydonida Namanganning "Navbahor" klubiga qarshi o'tkazadi.