Messi: "Har doim jamoaviy yutuqlarni birinchi o'ringa qo'ygan bo'lsam-da, yana bir “Oltin to'p”ni qo'lga kiritganimdan xursandligimni yashira olmayman"

Faoliyati davomida ettinchi bor "Oltin to'p"ga erishgan 34 yoshli Lionel Messi  bu etirof uchun terma jamoadagi sheriklaridan minnatdor ekanligini bildirdi. Eslatib o'tamiz, Argentina terma jamoasi yozda Amerika kubogini qo'lga kiritgandi.

“Men har doim jamoaviy yutuqlarni birinchi o'ringa qo'ygan bo'lsam-da, yana bir “Oltin to'p”ni qo'lga kiritganimdan xursandligimni yashira olmayman. Argentina termasidagi barcha jamoadoshlarimga biz o'tkazgan qoyilmaqom yil uchun minnatdorchilik bildirmoqchiman.

"Barselona"dagi sobiq jamoadoshlarim va hozirgi "Parij Sen-Jermen"dagi klubdoshlarimga ham rahmat aytaman. Va, albatta, oilam va do'stlarimga, shuningdek, meni qo'llab-quvvatlab kelayotgan, men bilan hamisha birga bo'lib, g'amxo'rlik qiladigan va har kuni o'z ustimda ishlashimga majbur qiladigan barcha insonlarga katta rahmat: ularsiz bunday bo'lmasdi. "France Football"g'a ham ajoyib marosim va mukofot uchun tashakkur!", – deb yozdi Messi Instagram'da.