Messi: "CHempionlar ligasi men va PSJning asosiy maqsadi"

- PSJdagi maqsadlaringiz qanday? Jamoangizni CHempionlar ligasida g'alaba qozonish uchun favorit deb hisoblaysizmi?

- Ha. Bu erga kelishimning asosiy sabablardan biri shu edi. "Barselona"dagi xayrlashuv nutqimda takidlaganimdek, maydonda ekanman, so'nggi daqiqalargacha sovrinlarni qo'lga kiritishga harakat qilaman.

PSJga o'tishga qaror qilganimning sabablaridan biri shundaki, bu erdagi jamoa ajoyib, klubda shuncha yillik urinishlardan so'ng o'sish va CHempionlar ligasida g'alaba qozonish istagi bor. SHu bois men bu jamoaga o'tishga qaror qildim - bu mening ham maqsadlarimdan biridir.

- CHempionlar ligasining uch uchrashuvida uchta gol urgansiz. Turnirda g'alaba qozonish sizning asosiy maqsadingizmi?

- Ha, bu men va klub uchun muhim maqsad hisoblanadi. PSJ anchadan beri bu borada pul sarflamoqda, ular ushbu turnirda g'alaba qozonishni istaydi, klub bunga yaqin kelgandi.

Parijliklar favoritlardan biri, ammo yagona davogar emas. Hamma biz haqimizda gapiradi, lekin boshqa grand jamoalar ham bor, ular ham yillar davomida astoydil rivojlanish sari bormoqda, ular ham kuchli futbolchilar bilan shartnoma imzolagan. "Manchester Siti", "Bavariya", "Liverpul", "Atletiko", "CHelsi" CHempionlar ligasida g'alaba qozona oladigan jamoalardan sanaladi.

Eng yaxshi jamoalar har doim ham g'alaba qozona olmaydi, chunki bu ko'plab detallarga bog'liq. Futbolda hamma narsa bo'lishi mumkin", - dedi Messi.