"Men bilgan futbol endi yo'q" - Kloze

"Lacio" va "Bavariya" sobiq futbolchisi Miroslav Kloze o'tmishdagi futbolni hozirgisi bilan solishtirdi.

"Bugungi kunda yosh futbolchilar har xil narsalar haqida o'ylashadi. Bolaligimda men har doim yaxshi ko'radigan ushbu sport turim bilan shug'ullanish va biror narsaga erishish haqida o'ylardim. "Lacio"da ham, terma jamoada ham har bir mashg'ulotdan so'ng jarohatlanmaslik uchun muz to'la vannaga tushardim. Ammo jamoadagi yosh futbolchilar tizimli ravishda buni rad etishardi.

Mashg'ulot oxirida to'plarni maxsus qopiga solayotganimda, ular menga "Sizga buni qilishni kim aytdi?", deyishardi. SHu o'rinda men: "Sen 20 yoshdasan, nahotki, 60 yoshli ishchiga yordam bera olmaysan?", deb aytardim. Ular ko'proq butsalari paypoqlariga mos kelish-klmasligi haqida bosh qotirishardi. SHuning uchun men o'zimga o'zim "to'xta" dedim. Men bilgan futbol endi yo'q.

Hozirgi yosh futbolchilar birinchi navbatda mashinalar, homiylar bilan tuziladigan shartnomalar va yangi butsalar haqida o'ylashadi. Futbol bularning barchasidan keyin turadi. Ular uchun imij – eng muhim narsa. Lekin men uchun eng sof ko'rinishdagi futbol muhim edi", – dedi germaniyalik sobiq futbolchi.