Meksikada Evropa ligasi sovrinini o'g'irlab ketishdi

Malumotlarga ko'ra, 15 kilogramli kubok 18 aprel kuni, Evropa ligasi hamkor kompaniyasi uyushtirgan ko'rgazma tadbiriga olib ketilayotgan paytda o'g'irlandi. Mahalliy huquq-tartibot organlari ikki kundan so'ng sovrinni topishga muvaffaq bo'lishdi va uni tashkilotchilarga qaytarishdi. Hozircha kubok qaerdan topilgani va kimlar hibsga olingani malum emas.

Sovrin original yoki ko'chirma ekanligi ham aniq emas. 2009/10 mavsumda kuchga kirgan qoidalarga ko'ra, sovrin bir umr UEFAda saqlanadi, g'oliblarga esa ko'chirma topshiriladi.

Joriy mavsum Evropa ligasi final bahsi 16 may kuni "Stad de Lyumer" stadionida bo'lib o'tadi.