Maurisio Pochettino: “Liverpul”ga qarshi “Real”ga qarshi o'ynagandek o'ynamoqchimiz”

“Biz bu bahsda xuddi “Real”ga qarshi (1:1) o'ynagandek o'ynamoqchimiz. O'ylaymanki, madridliklarga qarshi bellashuv biz uchun tajriba vazifasini o'tab berdi.

Oldimizda murakkab o'yinlar grafigi turibdi. Uch haftada mobaynida har 3-4 kunda maydonga tushishimizga to'g'ri keladi. Agar finalda o'ynashni va kuboklar yutishni istasak, ayni paytda ko'p narsalarni o'rganishimizga to'g'ri keladi.

Har bir o'yin muhim. “Liverpul” ajoyib murabbiyga ega bo'lgan, kuchli  jamoa. Ularga qarshi to'p tepish osonmas. Ammo maqsadimiz aniq- bu bahsda g'alaba qozonish niyatidamiz”, deydi Pochettino.

“Tottenhem” – “Liverpul” uchrashuvi 22 oktyabr, yakshanba kuni soat 20:00 da boshlanadi.