Mauricio Sarri: “Evropada o'ynash har doim og'ir”

Bugungi matbuot anjumanida Sarri rotaciyani to'g'ri amalga oshirishi kerakligi haqida alohida takidlab o'tdi.

"BATEga qarshi bellashuv katta muammo tug'dirmaydi. CHunki biz so'nggi o'yinimizdan 5 kun o'tib maydonga tushamiz. Asosiy muammo - yakshanba kuni "Bornmut"ga qarshi to'qnashuv bo'ladi. Bizda tiklanib olishimiz uchun 65 soat vaqt bo'ladi. SHuning uchun, biz bu haqda bosh qotirishimiz va extiyotkor bo'lishimiz kerak. Masalan, Jorjino Italiya terma jamoasida ikki o'yinda to'liq harakat qildi va MYUga qarshi deyarli 100 daqiqa to'p surdi. U dam olishi kerak”.

Ertaga Azar o'ynamasligi aniq. Uning oyog'i ort qismida muammo borligi tufayli bu uchrashuvni o'tkazib yuboradi. Keyingi o'yinlarda unga imkoniyat berishga intilamiz” – dedi Sarri.

Garchi “aristokratlar” hisobida 2 o'yindan so'ng 6 ochko bo'lsa-da, Sarri ertangi o'yin oson bo'lmasligini qayd etib o'tdi.

“Evropada o'ynash har doim og'ir. Raqibimiz bu mavsumda hammasi bo'lib 4 marta mag'lubiyatga uchragan va ular uchun mavsum yaqin orada o'z nihoyasiga etadi. Mehmonda belarus klubi yaxshiroq natija qayd etmoqda. Ertaga oddiy bahs bo'lmaydi”, - deya Sarrining so'zlarini keltirdi “CHelsi” rasmiy sayti.