Mate Vatsadze: "AGMK restartga to'liq tayyor"

"O'ylashimcha, AGMK restartga to'liq tayyor. O'zimni juda yaxshi his qilyapman. Garchi katta oraliqni o'tkazib yuborgan bo'lsakda, murabbiylar shtabi jamoani qisqa fursatda har taraflama optimal holatga keltirdi. Ochig'i, mavsum yana qayta tiklanayotganidan, futbol bayrami boshlanayotganidan xursandman. Sobiq jamoaga qarshi o'yin o'zgacha zavq hamda qo'shimcha motivaciya beradi. SHu bois "Qizilqum"ga qarshi bahsni intiqlik bilan kutyapman. Bu bahsdagi reja va maqsadlarim yuqori hamda ulardan biri olmaliqlik muxlislarni xursand etish. Futbol muxlislarsiz o'tishi g'alati. Lekin hozirgi holatda bu eng to'g'ri echim. Garchi stadionga kelishmasada, biz ularning qo'llab-quvvatlovini his qilyapmiz. Xudo xohlasa tez orada odatiy hayot yana iziga tushadi va muxlislar ham stadionga qaytishadi", - deya gapirib o'tdi Mate Vatsadze.