So’nggi yangiliklar

18:43"Ал Иттиҳод" бразилиялик футболчи билан музокараларни бошлади  0 18:15"Манчестер Юнайтед" собиқ ҳимоячиси "Астон Вилла"га ўтмоқда  0 18:00АПЛ. "Брайтон" - "Манчестер Сити" 0:1 (матнли трансляция)  4 17:44Энцо Мареска: "Жароҳатларнинг кўплиги бежизга эмас"  0 17:16"Қайрат": "Реал" билан ўйин учун чипталар сотувга чиқарилмаган ва нархлар тасдиқланмаган"  0 16:56"Милан" "Ливерпуль" ҳимоячисини сотиб олмоқчи  0 16:45АПЛ. "Брайтон" - "Манчестер Сити" баҳси асосий таркиблари маълум: Абдуқодир Ҳусанов асосий таркибга қайтди!   12 16:26Жейми Вардининг навбатдаги жамоаси маълум!  4 15:52Пол Паркер: "Де Хеа қайтмаса керак"  3 15:30Эрик тен Хаг истеъфога чиқиш арафасида  9 15:15"Манчестер Юнайтед" Ламменс трансферини амалга ошира олмаса, Мартинес номзодига қайтади  1 14:50Фоден бугун ўйнамайди  3 14:30ЕЧЛ. "Қайрат" - "Реал" ўйини учун чипталар нархи қанча?  16 14:14Фермин Лопес "Челси"нинг қизиқишларига қарамай, "Барселона"да қолади  1 13:58Ўзбекистон янги стадионда "CAFA Nations Cup-2025"ни дуранг билан бошлаган баҳсдан ГАЛЕРЕЯ  4

"Mashal" yangi futbolchilarni tanishtirdi Yangiliklar

"Mashal" yangi futbolchilarni tanishtirdi

Bugun "Mashal" klubi o'z futbolchilari bilan tanishtiruv o'tkazdi.

Bahrom Vafoev nomli stadionning matbuot anjumanlari zalida o'tgan marosimda klub bosh direktori Ilhom Qurbonov, bosh murabbiy Aleksandr Xomyakov, klub futbolchilari , klub rahbariyati, OAV, muxlislar klubi vakillari ishtirok etdi.

Bugungi taqdimot to'rt qismdan iborat bo'ldi.

1- Dastlab ochilish qismi bo'lib unda jamoamizga yangi kelib qo'shilgan futbolchilar va murabbiy muxlislar olqishi ostida kutib olindi. "Mashal" klubining Navruz tabrigi o'qib eshittirildi.

2-qismda davraga yig'ilganlar bilan klub o'rtasida ochiq muloqot tashkil etildi. Bunda OAV va muxlislar klub rahbariyati, bosh murabbiy, futbolchilarga o'z savollari bilan murojaat etdi.

"Avvalo hammani kirib kelgan bahor ayyomi Navro'z bilan chin dildan muborakbod etaman. Mavsumni jarohatsiz o'tkazishni tilayman", - deydi Ilhom Qurbonov

"Barchani kirib kelgan bayram va futbol mavsumi bilan tabriklayman. Ushbu bayram hammamizga quvonch olib kelsin. Muxlislarni xursand qilish uchun maydonga tushamiz. Bugungi dasturga bizga va klubga befarq bo'lmay yig'ilganlarga minnatdorchilik bildiraman. Men o'ylaymanki "Mashal" klubi qadrdon klublaringizga aylangan",- deydi jamoa bosh murabbiyi Aleksandr Xomyakov

Dastlabki savollar klub bosh direktori Ilhom Abdug'anievichga berildi.

- Ilhom Abdug'anievich, "Mashal" hammaga malumki O'zbekistonda o'z rejasi va strategiyasiga ega bo'lgan jamoalardan biridir. Hozir bu haqida aytib o'ta olasizmi yaqin yillar uchun klub rejasi qanday tashkil etilgan?

- Oliy ligada biz birinchi yil o'ynaganimiz yo'q. Tasodiflar bilan 1-ligaga tushib ketganmiz. Har doim ham yuqori o'rinlarga harakat qilganmiz. Mana bu yil Oliy ligaga chiqdik. Endi ligada jon saqlash uchun emas ,balki sovrinli o'rinlar uchun va kuchlilar safiga qaytishni istaymiz. To'g'ri, Oliy ligaga shu mavsum chiqqan jamoani kuchlilar safiga qaytishga harakatiga ishonmasligi mumkin , lekin biz faqat bu yil emas oldin ham Oliy liga azosi edik. Maqsadimiz faqat kuchlilar safida yurish.

- Klubning aynan shu mavsum uchun oldiga qo'ygan vazifa nimadan iborat?

- Homiylarimiz qo'ygan vazifa kuchli sakkizlik va maksimal harakat. Biz bundan ham yuqoriroq pog'onaga kirishga harakat qilamiz. 2-3 yillik dastur ishlab chiqqanmiz va agar bu yilda kuchli beshlikka kira olsak ,keyingi yil OCHL uchun harakatni boshlaymiz. Reajalarimiz shundan iborat.

- Ilhom aka bu yil stadionimiz ahvoli har yillarga nisbatan pastroq holatda. Bu nima bilan bog'liq?

- Maydon haqida gapiradigan bo'lsak , holati ancha yaralangan holatga kelgan edi. Buni ustida katta ish olib borildi. Mavsumga tayyorgarlik oldidan bizga bog'liq bo'lmagan ob-havo jiddiy tasir o'tkazdi. Yaralangan joylarni tiklash uchun vaqt kerak. Oldingi holatini tiklash ishlari ketmoqda. Maydonga kelsak ayni vaqtda 70 foiz tayyor. Yana ozgina vaqt kerak va aprelning o'rtalariga kelib 100 foiz tayyor holatga keltiramiz. Stadionimizni "A" klassga qaytarmoqchimiz va tamirlash ishlari olib borilmoqda. Rejamiz ikki yillik bo'lgani uchun biz keyingi yildan OCHL uchun harakat qilamiz va stadionimiz ham talab darajasida bo'lishi kerak. Yil oxiriga kelib stadionimiz "A" klassga kirish kerak. Yigitlarimizga ishonamiz va ular buni uddalay olib yo'llanmani qolga kiritsak Muborak shahrida ham OCHL o'yinlarini ko'ramiz.

- Klubning moddiy ahvoli haqida so'ramoqchi edik. Bu borada fikringiz qanday?

- Bizning asosiy homiyimiz " Muborakneftgaz" holding kompaniyadi hisoblanadi. Ayni vaqtda moddiy ahvolda qiyinchilikka duch keldik. Muborak “Neftigaz" bilan hamkorlikda "Mashal" klubiga yordam berish bo'yicha kelishuv bor. Ushbu bayramdan so'ng bu masala to'liq hal bo'ladi va ijobiy natijaga erishamiz. To'g'ri bugungi kunda "Neftigaz"ga ko'p masalalar biriktirilgan va shunga qaramasdan bu kompaniya bizni yolg'iz qoldirmaydi. Muborak xalqi neft-gaz qazib olish va etishtirish bilan shug'ullangani bois , bizda teatr ham, amfiteatr ham , kino ham futbol. Bizda faqat mana shu futbol madaniy dam olish joyi hisoblanadi. Buni tushungan holda yordam berish haqida aytgan. "Muborakneft-gaz" bilan Muborak gazni qayta ishlash zavodi hamkorlikda 50 ga 50 shaklda klubni homiylikka olgan. Ozgina muddat kerak va hujjatlarni rasmiylashtirib sekin sekin ishga kiritamiz. Moliyaviy holatimiz ijobiy tarafga o'zgarishiga ishonaman.

Ikkinchi qismda savollar jamoa bosh murabbiyi Xomyakovga berildi.

- Jizzaxdagi durang sizni qoniqdingizmi? Durang safarda g'alabaga tengmi? O'tgan yili Jizzaxga muxlislar bilan borganimiz g'alaba qozongan edik.

- Agar muxlislari bilan borib g'alaba qozonishimizni bilganimizda sizlarni ham olib ketar edik (kuladi). Biz Jizzaxga "So'g'diyona"ni mehmondo'stligini ko'rishga bormadik. Biz oddiy o'yin kutmaganini bilar edik. Yutishini juda-juda istagan edik. Futbolga omad juda muhim.Masalan biz birinchi golni urdik uni hisobga olishmadi. Mamazulumovni o'yindan tashqari holatda deb aytishdi , lekin unday emas edi. Bular o'tib ketdi. Mehmondagi durang uydagi g'alabaga teng. Men murabbiy sifatida futbolchilarimni hamisha hushyorlikka chaqiraman. O'yinchilarga etirozim yo'q.

Dasturning 3-qismida futbolchilarga bu mavsum uchun taqdim etilgan o'z formalari taqdim etildi. Ushbu yilda jamoasining yangi futbolchilari quyidagi raqamlarda harakat qiladi.

Muyidin Mamazulumov - 80

Zafar To'raev - 14

Botir Nosirov - 30

Otabek Narzullaev - 17

Abbos Omonov - 8

Siroj Hamroev - 22

G'iyosjon Komilov - 5

Andrey Derkach (Ukraina) - 33

Qahramon Bahodirov - 6

Jamshid SHodiev - 34

Ushbu mavsumda "Mashal" futbolchilari to'rt xil formada maydonga tushadi. Dastur oxirida ushbu formalar taqdimoti bo'lib o'tdi va yakunlandi.
Reyting:    

Fikrlar

championat.asia
< so’nggi yangiliklarni ko’rish
Яндекс.Метрика