"Mashal" maydonidagi chimlar qani?

Yuqoridagi video orqali ko'rishingiz mumkin, "Bahrom Vafoev" nomidagi stadion maydonining o'rta hududi achinarli ahvolga kelib qolgan. Bugungi kunda stadionlarimizdagi maysalarning bunday tarzda ko'rinish olayotganiga asosiy sabab, hamma stadionda ham maysaga qaraydigan xodimlarga munosabat yaxshi emas. Maydonda natija ko'rsatadigan futbolchilar millionlab maosh oladilar, maydonni parvarish qiladigan bog'bon esa nari borsa 300/400 000 so'm pul oladi. Tabiiyki, bu pulga yaxshi mutaxassis ishlamaydi.

Bugunga kelib, "Bunyodkor", "Andijon", "Neftchi", "Buxoro", "Navbahor", "Qizilqum", "So'g'diyona" jamoalarining stadionlari maysalari qoniqarli ahvolda emas. Albatta bu futbol uchun achinarli holat. Notekis maydonda hamma ham o'z mahoratini namoyish eta olmaydi, futbolning jozibasi yo'qoladi.

Kecha "Futbol sharhi"da takidlanganidek, haqiqatdan ham mavsumni may oyida boshlashimiz kerakdir?