"Mashal" - 30 yoshda" - kitobi nashrga tayyorlanmoqda

Rasman 1984 yilda tashkil etilgan Muborak shahrining "Mashal" klubi ushbu yilda o'ttiz yillik tarixga ega bo'ldi. Ortda qolgan davr mobaynida klubda 1000dan ziyod futbolchi, 100dan ziyod murabbiylar faoliyat olib bordi.

"Mashal" ushbu mavsum oxirida o'zining o'ttiz yillik tarixiga bag'ishlangan katta bayram dasturini taqdim etadi. Yil yakunida tashkillashtirilayotgan ushbu bayramda "Mashal" - 30 yoshda" kitob taqdimoti ham bo'lib o'tadi. Ushbu kitob bo'yicha ayni vaqtda jadal ishlar amalga oshirilmoqda. Klub tarkibida jamoaga beetibor bo'lmagan barcha insonlar fikrlari va tarixi qayta yozib chiqilgan. Undan tashqari kitobda tarixiy fotosuratlar, futbolchilar fikri, murabbiylar fikri, klubi rahbariyati va infrastruktura bo'yicha barcha malumotlarni o'z ichiga oladi. Jamoaga mehnati singan va ayni vaqtda hayot bo'lgan insonlar bilan jonli suhbatlar tashkil etilib, klubning dastlabki holatida 2014 yilgacha bo'lgan barcha voqeliklar aks ettiriladi.

Ayni vaqtda ham ushbu kitob bo'yicha izlanishlar davom etmoqda. Kitob taqdimoti esa yil so'nggidagi katta bayram tadbirida bo'lib o'tadi.