Mart oyining eng yaxshi muxlislari - "Dinamo"

Futbol - muxlislar uchun. Bu shiorni ko'pchilik juda yaxshi biladi. Stadionlarimizga minglab muxlislar kelishsa har qanday futbol jozibali o'yinga aylanadi.

Mart oyida "Dinamo" klubi o'z maydonida ikkita o'yin o'tkazdi. Ikkala o'yinga ham 10 mingdan ziyod tomoshabin tashrif buyurdi. Jamoa ustozi Oleg Tyulkin "Dinamo"ning g'alabalarida muxlislarning xissasi juda katta ekanini bir necha bor matbuot anjumanlarida takidlab o'tdi.

"Navbahor"ga qarshi kechgan o'yinda stadion to'lib toshdi. Xatto arenaga kira olmagan muxlislar stadion tashqarisidan turib bahsni kuzatib borishgani albatta tahsinga sazovor holatdir.

championat.asia mart oyining eng yaxshi muxlislari deb "Dinamo" klubi muxlislarini tan oldi. Bir yil oliy ligasiz qolgan samarqandlik futbol ishqibozlari jamoasining g'alabalarini ko'proq guvohi bo'lishlariga tilakdoshmiz.

Mart oyida "Dinamo"ning uy o'yinlariga kelgan tomoshabinlar soni:

"Dinamo" - "SHo'rtan" (10138 tomoshabin)
"Dinamo" - "Navbahor" (13105 tomoshabin)