Marko Nikolich - CSKA bosh murabbiyi!
06 iyu 2024 16:11
Yangiliklar

Marko Nikolich - CSKA bosh murabbiyi!

Serbiyalik murabbiy Marko Nikolich Moskvaning CSKA jamoasi bilan shartnoma imzoladi, deb xabar bermoqda Moskva futbol klubi matbuot xizmati.

44 yoshli mutaxassis bilan shartnoma 2025/26 yilgi mavsum yakuniga qadar mo'ljallangan.

Jamoa Nikolich boshchiligida yangi mavsumga tayyorgarlikni 20 iyun kuni Novogorskdagi qarorgohida boshlaydi.

Nikolichning so'nggi ish joyi "SHabab Al Ahli" bo'lib, u bu klubni 30 may kuni tark etgandi. Serbiyalik murabbiy 2020 yildan 2021 yilgacha Moskvaning "Lokomotiv" jamoasini boshqargan va Rossiya Kubogini yutgan, milliy chempionat bronza medalini qo'lga kiritgan.

Dushanba kuni CSKA Vladimir Fedotov jamoa bosh murabbiyligidan ozod etilganini elon qilgandi. Fedotov "armiyachilar" bilan Rossiya Kubogida g'olib bo'lgan va milliy chempionatda 2-o'rinni band etgandi. "Qizil-ko'klar" mavsum yakuniga ko'ra 6-pog'onani egallagan edi.

Havola :

Manba : pfc-cska.com

Yangiliklarni Telegramda o'qing!

Reyting: +2