Mario Gomes: "Germaniya bilan Evro-2016ga borishni istayman"

- Bolalikda kumiringiz kim bo'lgan?

- Romario. U fantastik hujumchi bo'lgan. U gollarni qalashtirib tashlardi. SHunchaki ajoyib o'yinchi.

- Siz bilan ishlagan eng yaxshi murabbiy nomini ayting.

- Faqat bir ismni aytish adolatdan bo'lmasa kerak. Ularning har biri menga nimalarnidir o'rgatgan. Professional tarafdan ularning barchasi meni yaxshiroq qilgan. Agar faqat bir familiyani keltirish kerak bo'lsa, Yupp Xaynkesni aytgan bo'lardim. Uning qo'l ostida “Bavariya” bilan mavsumdagi barcha musobaqalarda g'olib chiqqandik.

- Futbol tarixida eng yaxshi uch nafar futbolchilarni ayta olasizmi?

- Lionel Messi, Krishtianu Ronaldu va Ronaldo.

- Istambul qanday va ushbu mavsumda oldingizga qanday maqsadlar qo'ygansiz?

- Istambulda hayot yaxshi. SHu bilan birga murakkab. U juda ko'p mashina, odamlar va uylarga ega bo'lgan katta shahar. Bosfordagi ko'rinish shunchaki sehrlab qo'yadi. Ehtimol, bu jahondagi eng yaxshi tabiat ko'rinishlaridan biri. Odamlar juda mehmondo'st va futbolga juda qiziqishadi. Mavsumdagi maqsadlardan biri Turkiya chempionatida g'alaba qozonish. Oltin medallarni qo'lga kiritish oson bo'lmaydi, lekin erishsa bo'ladigan vazifa. Bizda yaxshi jamoa bor. Evropa Ligasi esa jamoa va ishqibozlarning yana bir maqsadidir. SHaxsiy maqsadim esa Germaniya terma jamoasi bilan Franciyadagi Evro-2016da ishtirok etish.

- Faoliyatingizda qaysi lahzalar bilan ko'proq faxrlanasiz?

- Ular juda ko'p! Erishilgan barcha sovrinlar va g'alabalar, CHempionlar ligasidagi birinchi o'yinim bilan faxrlanaman.

- Qaysi golingizni eng yaxshi deb hisoblaysiz?

-Fikrimcha, eng yaxshi gollar jamoa uchun muhim gollardir. Bundesligada debyut bahsimdayoq to'p kiritganman. Quvonchdan deyarli yig'lab yuborganimni eslayman. Germaniya terma jamoasida debyut o'yinda ham golim muhim bo'lgan. Bu 2007 yil SHveycariya bilan uchrashuvda ro'y bergandi. CHempionlar ligasida urilgan gollar ham juda muhim bo'lgan.

- Yoqtirgan qo'shig'ingiz qaysi?

- Repper Tupak ijrosidagi “Changes” qo'shig'i.

- Ayni paytda jahonning eng kuchli futbolchisi kim?

- Bu men uchun juda qiyin savol. “Barselona” tarafdoriman va Lionel Messini tanlayman. Lekin Krishtianu Ronaldu ham juda yaxshi o'yinchi.

Behzod NAZAROV tayyorladi.