Marat Bikmaev: "O'z kuchimizga bo'lgan ishonch yuqori"

"Tayyorgarlik jarayoni reja asosida kechmoqda. Mashg'ulotlarda bircha birdek ter to'kmoqda. Barchamiz yaxshi kayfiyatda mashg'ulotlarda shug'ullanmoqdamiz. Murabbiylar tomonidan berilayotgan barcha vazifalarni bajarmoqdamiz. KXDR terma jamoasi haqida murabbiylar shtabi etarli malumotlarni bizga taqdim etib borishmoqda. Ularni kuchli va kuchsiz taraflari haqida o'qtirishmoqda. Raqibni jiddiy o'rganib chiqyapmiz deyishim mumkin. Biz ayni paytda juda yaxshi formadamiz. O'z kuchimizga bo'lgan ishonch yuqori. Bo'lajak o'yinlarda g'alaba qozonib olti ochkoni qo'lga kiritishni rejalashtirganmiz. Katta ishonch bilan aytishim mumkinki, maydonda borimizni berib kerakli natijalarni qo'lga kiritishga butun vujudimiz bilan harakat qilamiz. Bizni hech qanday muammo qiynamayapti. Bor diqqat etiborimiz bo'lajak o'yinlarga qaratilgan. Xudo xohlasa muxlislarimizni g'alabalarni taqdim etamiz", - deydi Marat Bikmaev.