"Manchester Siti" Sakaga ko'z tikdi

20 yoshli Saka ushbu mavsumda "Arsenal"ning eng yaxshi futbolchilaridan biri bo'lib, Premer-ligada 11 ta gol urdi va 7 ta golli pas uzatdi.

Daily Mail xabariga ko'ra, "Siti" Sakaning shartnoma bilan bog'liq holatini diqqat bilan kuzatib bormoqda va Bukayoni kelajakdagi transfer maqsadi sifatida ko'rmoqda.

"Siti" bu yozda Saka uchun kurashga kirishishi dargumon, ammo Bukayo "Arsenal" bilan yangi shartnoma tuza olmasa, "shaharliklar" keyingi transfer oynalaridan birida bundan unumli foydalanib qolishga urinadi.

Sakaga "Liverpul" ham davogar, ammo ayni dam "qizillar"ning ustuvor vazifasi boshqa poziciyalarni mustahkamlash.