Manba: "Nyukasl" yanvar oyida "Manchester Siti" futbolchisini sotib olishga harakat qiladi

"Nyukasl" bosh murabbiyi Eddi Xau Taynsayd klubiga Kelvin Fillipsning transferi bo'yicha muzokaralarni kuchaytirish uchun bosim o'tkazmoqda, deya xabar berdi "Northern Echo". "Hakkalar" 27 yoshli yarim himoyachini yanvarda o'z safiga qo'shishni xohlashadi. Ammo "Nyukasl"ning ustuvor varianti to'liq transfer emas, balki Fillipsni ijaraga olishdir.

"Manchester Siti" ham ijaraga rozi bo'lishi mumkin. Kelvin Fillips uchun 2022 yilning yozida 49 million evro to'langaniga qaramay, Xosep Gvardiola unga ishonmaydi. Angliyalik futbolchi joriy mavsumda bor-yo'g'i 167 daqiqa o'ynadi.