Maksim SHackix: "Suniy maydon va 40 daraja issiq – bu futbolchilarning ustidan kulish"

- O'yin, "Aral" va stadion haqida fikringiz qanday?

- Nimadir deyish qiyin. Suniy maydon va 40 daraja issiq – bu futbolchilarning ustidan kulish. Sizlar bu erda chempionatning har bir turida o'ynaysizlar, ammo buni tasavvur qilish qiyin. Fevral, mart oylarida bo'lganda ham osonroq bo'lardi. Gap havoda ham emas. O'z yoshlarimizni takshirib oldik. O'ynashlariga imkon berdik. Ularga harakat qilishgani uchun rahmat. Bu erda o'tirishning o'zi bizga qiyin bo'ldi, ular bo'lsa yugurib futbol o'ynashdi. Vazifamizni bajardik. "Aral"ni g'alaba bilan tabriklayman. "Aral"ga qoyil, muxlislarni xursand qilishdi. 

- Nematullo Quttiboev yaqinda o'z yubileyini nishonlaydi. Siz u bilan terma jamoada o'ynaganmisiz?

- Yo'q, u mendan ancha katta edi. Akam bilan birga o'ynagan. Uni tabriklayman. Eng muhimi sog'liq va uzoq umr tilayman. Hayotda omad yor bo'lsin.