Lyubinko Drulovich: “Eron 20 daqiqa yaxshi o'ynadi. Xitoy bilan bahs biz uchun hal qiluvchi bo'ladi”

“Raqiblarimiz jismonan kuchli ekan. Lekin biz yaxshi o'yin o'tkazdik. G'alabaga yaqinroq edik. Imkoniyatlardan foydalana olmadik. Keyingi uchrashuvlarda ochkolar o'rnini to'ldiramiz.

To'g'ri, Qodirqulov va Alijonov og'ir mavsum o'tkazishdi. Balki bugun ozgina o'yinga kirisha olishmagan bo'lsada, keyingi uchrashuvlarda ular o'z darajasini ko'rsata oladilar.

Eron 20 daqiqa yaxshi o'ynadi. Biz esa qolgan daqiqalarda tashabbus bilan o'ynadik. Golda oddiy xatoga yo'l qo'ydik. Oxirida esa biz bir nechta ajoyib imkoniyatlarda gol urolmadik. Mayli, biz ochko yo'qotdik. Ammo ishonchimiz saqlanib qoldi.

Osiyo chempionatida g'alaba qozonish qiyin, ayniqsa ketma-ket. Biz mana shu yo'lni bosib o'tmoqchimiz. Xitoy bilan uchrashuv biz uchun hal qiluvchi ahamiyat kasb etadi. O'ylaymanki biz uni o'z darajamizda o'tkazamiz.

Guruhimiz kuchli. Ochko yo'qotishimiz mumkin emas. Janubiy Koreya favorit. Ammo biz keyingi o'yinlarda faqat 3 ochko olamiz degan umidim bor.

Men tarkibda yo'q o'yinchilar haqida gapirishni istamasdim. Biz ayni vaqtda eng yaxshilarini jalb qildik. Markazda bizda kuchli o'yinchilar etarli. Albatta, men ham katta tanlov xohlayman, biroq bizda uchrashuvda 11+3 o'yinchi ishlatish imkoni bor”, - dedi Lyubinko Drulovich.