Lunin "Real Madrid" bilan uzoq muddatli yangi shartnoma imzolaydi

"Real Madrid" klubi ukrainalik darvozabon Andrey Lunin bilan yangi shartnoma imzolashga juda yaqin turibdi. Yangi kelishuv 2028 yilga qadar amal qiladi. Lunin "Real"da asosiy darvozabon sifatida harakat qilayotganini inobatga olgan holda uning maoshi ham shunga yarasha oshiriladi. Muzokaralar o'zining yakuniy bosqichida. Malumot uchun, Luninning "Real" bilan amaldagi shartnomasi 2025 yilga qadar mo'ljallangan. 

Eslatib o'tamiz, jamoaning asosiy darvozaboni Tibo Kurtua jarohat olgandan so'ng Lunin asosiy darvozabonga aylanib oldi. Ikkinchi darvozabon sifatida klubga olib kelingan Kepa Arrisabalaga esa raqobatda Luninga yutqazdi.

Ushbu mavsum Lunin barcha musobaqalarda 29 ta o'yin o'tkazishga ulgurdi.